ललित लवङ्ग लता परिशीलन । कोमळ मलय समीरे

मधुकर निकर करम्बित कोकिल । कूजित कुञ्ज कुटीरे - राधे॥

विहरति हरिरिह सरस वसन्ते

नृत्यति युवति जनेन समं सखि । विरहि जनस्य दुरन्ते - राधे ॥ १॥ (विहरति)

उन्मद मदन मनोरथ-पथिक । वधूजन जनित विलापे

अळिकुल संकुल कुसुम समूह । निराकुल वकुळ कलापे - राधे ॥ २॥ (विहरति)

मदन महीपति कनक दण्डरुचि । केसर कुसुम विकासे

मिळित शिलीमुख पाटल पटल । कृतस्मर तूण विलासे - राधे ॥ ४॥ (विहरति)

विगळित लज्जित जगदवलोकन । तरुण करुण कृतहासे

विरहि निकृन्तन कुन्त-मुखाकृति । केतकि दन्तुरि-ताशे - राधे ॥ ५॥ (विहरति)

माधविका परिमळ मिळिते । नव मालिकयाति सुगन्धौ

मुनि मनसामपि मोहन कारिणि । तरुणा अकारण बन्धौ - राधे ॥ ६॥ (विहरति)

स्फुरदति मुक्त लता परिरम्भण । मुकुळित पुलकित चूते ।

बृन्दावन विपिने परिसर । परिगत यमुना जलपूते - राधे ॥ ७ ॥ (विहरति)

श्री जयदेव भणितं इदं उदयति । हरि चरण स्मृति सारम् ।

सरस वसन्त समयवन वर्णनं । अनुगत मदन विकारम् - राधे ॥ ८॥ (विहरति)

विहरति हरिरिह सरस वसन्ते

नृत्यति युवति जनेन समं सखि । विरहि जनस्य दुरन्ते - राधे ॥ १॥ (विहरति)

दरविदळित वल्ली मल्लि चञ्चत् पराग

प्रकटित पटवासैः वासयन् काननानि ।

इह हि दहति चेतः केतकी गन्धबन्धुः

प्रसरत् असम बाण प्राणवत् गन्ध वाहः ॥

उन्मीलन् मधु गन्ध लुब्ध मधुप व्याधूत चूताङ्कुर

क्रीडत् कोकिल काकली कलकलैः उद्गीर्ण कर्णज्वराः ।

नीयन्ते पथिकैः कथं कथमपि ध्याना-वधान क्षण

प्राप्त प्राण समा समागम रसोल्लासैः अमीवासराः ॥