Bhagavad Gita - Chapter 11
Bhagavad Gita
Chapter - 11
அத2 ஏகாத3ஶோத்4யாய:
अथ एकादशोध्याय:
விஶ்வரூப த3ர்ஷன யோக3:
विश्वरूप दर्शन योगः
அர்ஜுன உவாச
மத³னுக்³ரஹாய பரமம் கு³ஹ்யம் அத்⁴யாத்ம ஸஞ்ஞிதம் |
யத்-த்வயோக்தம் வசஸ்தேன மோஹோயம் விக³தோ மம ||1||
अर्जुन उवाच
मदनुग्रहाय परमं गुह्यं अध्यात्म संज्ञितम् ।
यत्-त्वयोक्तं वचस्तेन मोहोयं विगतो मम ॥१॥
ப⁴வாப்யயௌ ஹி பூ⁴தானாம் ஶ்ருதௌ விஸ்தரஶோ மயா |
த்வத்த: கமல பத்ராக்ஷ மாஹாத்ம்யம் அபி சாவ்யயம் ||2||
भवाप्ययौ हि भूतानां श्रुतौ विस्तरशो मया ।
त्वत्तः कमल पत्राक्ष माहात्म्यं अपि चाव्ययम् ॥२॥
ஏவமேதத் யதா²த்த² த்வம் ஆத்மானம் பரமேஶ்வர |
த்³ரஷ்டும் இச்சா²மி தே ரூபம் ஐஶ்வரம் புருஷோத்தம ||3||
एवमेतत् यथात्थ त्वं आत्मानं परमेश्वर ।
द्रष्टुं इच्छामि ते रूपं ऐश्वरं पुरुषोत्तम ॥३॥
மன்யஸே யதி³ தச்ச²க்யம் மயா த்³ரஷ்டுமிதி ப்ரபோ⁴ |
யோகே³ஶ்வர ததோ மே த்வம் த³ர்ஶயாத்மானம் அவ்யயம் ||4||
मन्यसे यदि तच्छक्यं मया द्रष्टुमिति प्रभो ।
योगेश्वर ततो मे त्वं दर्शयात्मानं अव्ययम् ॥४॥
ஸ்ரீ ப⁴க³வானுவாச
பஶ்ய மே பார்த² ரூபாணி ஶதஶோத² ஸஹஸ்ரஶ: |
நானா விதா⁴னி தி³வ்யானி நானா வர்ணா-க்ருதீனி ச ||5||
श्री भगवानुवाच
पश्य मे पार्थ रूपाणि शतशोथ सहस्रशः ।
नाना विधानि दिव्यानि नाना वर्णा-कृतीनि च ॥५॥
பஶ்யாதி³த்யான் வஸூன் ருத்³ரான் அஶ்வினெள மருதஸ்ததா² |
ப³ஹூன்ய-த்³ருஷ்ட பூர்வாணி பஶ்யாஶ்சர்யாணி பா⁴ரத ||6||
पश्यादित्यान् वसून् रुद्रान् अश्विनौ मरुतस्तथा ।
बहून्यदृष्ट पूर्वाणि पश्याश्चर्याणि भारत ॥६॥
இஹைகஸ்த²ம் ஜக³த்-க்ருத்ஸ்னம் பஶ்யாத்³ய ஸசராசரம் |
மம தே³ஹே கு³டா³கேஶ யச்சான்யத் த்³ரஷ்டும் இச்ச²ஸி ||7||
इहैकस्थं जगत्-कृत्स्नं पश्याद्य सचराचरम् ।
मम देहे गुडाकेश यच्चान्यत् द्रष्टुं इच्छसि ॥७॥
ந து மாம் ஶக்யஸே த்³ரஷ்டும் அனேனைவ ஸ்வசக்ஷுஷா |
தி³வ்யம் த³தா³மி தே சக்ஷு: பஶ்ய மே யோக³ம் ஐஶ்வரம் ||8||
न तु मां शक्यसे द्रष्टुं अनेनैव स्वचक्षुषा ।
दिव्यं ददामि ते चक्षुः पश्य मे योगं ऐश्वरम् ॥८॥
ஸஞ்ஜய உவாச
ஏவமுக்த்வா ததோ ராஜன் மஹா-யோகே³ஶ்வரோ ஹரி: |
த³ர்ஶயாமாஸ பார்தா²ய பரமம் ரூபமைஶ்வரம் ||9||
सञ्जय उवाच
एवमुक्त्वा ततो राजन् महा-योगेश्वरो हरिः ।
दर्शयामास पार्थाय परमं रूपमैश्वरम् ॥९॥
அநேக வக்த்ர நயனம் அநேக அத்³பு⁴த த³ர்ஶனம் |
அநேக தி³வ்யாப⁴ரணம் தி³வ்யாநேக உத்³யதாயுத⁴ம் ||10||
अनेक वक्त्र नयनं अनेक अद्भुत दर्शनम् ।
अनेक दिव्याभरणं दिव्यानेक उद्यतायुधम् ॥१०॥
தி³வ்ய மால்யாம்ப³ர த⁴ரம் தி³வ்ய க³ந்தா⁴னுலேபனம் |
ஸர்வாஶ்சர்ய-மயம் தே³வம் அனந்தம் விஶ்வதோ-முக²ம் ||11||
दिव्य माल्याम्बर धरं दिव्य गन्धानुलेपनम् ।
सर्वाश्चर्य-मयं देवं अनन्तं विश्वतो-मुखम् ॥११॥
தி³வி ஸூர்ய ஸஹஸ்ரஸ்ய ப⁴வேத்³யுக³பத் உத்தி²தா |
யதி³ பா⁴: ஸத்³ருஶீ ஸா ஸ்யாத் பா⁴ஸஸ்தஸ்ய மஹாத்மன: ||12||
दिवि सूर्य सहस्रस्य भवेद्युगपत् उत्थिता ।
यदि भाः सदृशी सा स्यात् भासस्तस्य महात्मनः ॥१२॥
தத்ரைகஸ்த²ம் ஜக³த்-க்ருத்ஸ்னம் ப்ரவிப⁴க்தம் அனேகதா⁴ |
அபஶ்யத் தே³வ-தே³வஸ்ய ஶரீரே பாண்ட³வஸ்ததா³ ||13||
तत्रैकस्थं जगत्-कृत्स्नं प्रविभक्तं अनेकधा ।
अपश्यत् देव-देवस्य शरीरे पाण्डवस्तदा ॥१३॥
தத: ஸ விஸ்மயாவிஷ்டோ ஹ்ருஷ்டரோமா த⁴னஞ்ஜய: |
ப்ரணம்ய ஶிரஸா தே³வம் க்ருதாஞ்ஜலி: அபா⁴ஷத ||14||
ततः स विस्मयाविष्टो हृष्टरोमा धनञ्जयः ।
प्रणम्य शिरसा देवं कृताञ्जलि: अभाषत ॥ १४॥
அர்ஜுன உவாச
பஶ்யாமி தே³வான் தவ தே³வ தே³ஹே
ஸர்வான் ததா² பூ⁴த விஶேஷ-ஸங்கா⁴ன் |
ப்³ரஹ்மாணமீஶம் கமலா-ஸனஸ்த²ம்
ருஷீம்ஶ்ச ஸர்வான் உரகா³ம்ஶ்ச தி³வ்யான் ||15||
अर्जुन उवाच
पश्यामि देवान् तव देव देहे सर्वान् तथा भूत विशेष-संघान् ।
ब्रह्माणमीशं कमला-सनस्थं रुषींश्च सर्वान् उरगांश्च दिव्यान् ॥१५॥
அநேக பா³ஹூத³ர வக்த்ர-நேத்ரம்
பஶ்யாமி த்வாம் ஸர்வதோ அனந்தரூபம் |
நாந்தம் ந மத்⁴யம் ந புனஸ்தவாதி³ம்
பஶ்யாமி விஶ்வேஶ்வர விஶ்வரூப ||16||
अनेक बाहूदर वक्त्र-नेत्रं पश्यामि त्वां सर्वतो अनन्तरूपम् ।
नान्तं न मध्यं न पुनस्तवादिम् पश्यामि विश्वेश्वर विश्वरूप ॥१६॥
கிரீடினம் க³தி³னம் சக்ரிணம் ச
தேஜோராஶிம் ஸர்வதோ தீ³ப்தி-மந்தம் |
பஶ்யாமி த்வாம் து³ர்-நிரீக்ஷ்யம் ஸமந்தாத்
தீ³ப்தானல அர்கத்³யுதிம் அப்ரமேயம் ||17||
किरीटिनं गदिनं चक्रिणं च तेजोराशिं सर्वतो दीप्ति-मन्तम् ।
पश्यामि त्वां दुर्निरीक्ष्यं समन्तात् दीप्तानल अर्कद्युतिं अप्रमेयम् ॥१७॥
த்வமக்ஷரம் பரமம் வேதி³தவ்யம்
த்வமஸ்ய விஶ்வஸ்ய பரம் நிதா⁴னம் |
த்வமவ்யய: ஶாஶ்வத த⁴ர்மகோ³ப்தா
ஸனாதனஸ்த்வம் புருஷோ மதோ மே ||18||
त्वमक्षरं परमं वेदितव्यं त्वमस्य विश्वस्य परं निधानम् ।
त्वमव्ययः शाश्वत धर्मगोप्ता सनातनस्त्वं पुरुषो मतो मे ॥ १८॥
அநாதி³ மத்⁴யாந்தம் அனந்த வீர்யம்
அனந்த பா³ஹும் ஶஶி ஸூர்ய நேத்ரம் |
பஶ்யாமி த்வாம் தீ³ப்த ஹுதாஶ வக்த்ரம்
ஸ்வதேஜஸா விஶ்வமித³ம் தபந்தம் ||19||
अनादि मध्यान्तं अनन्त वीर्यं अनन्त बाहुं शशि सूर्य नेत्रम् ।
पश्यामि त्वां दीप्त हुताश वक्त्रं स्वतेजसा विश्वमिदं तपन्तम् ॥१९॥
த்³யாவா-ப்ருதி²வ்யோ: இத³மந்தரம் ஹி
வ்யாப்தம் த்வயைகேன தி³ஶஶ்ச ஸர்வா: |
த்³ருஷ்ட்வா அத்³பு⁴தம் ரூபமுக்³ரம் தவேத³ம்
லோகத்ரயம் ப்ரவ்யதி²தம் மஹாத்மன் ||20||
द्यावा-पृथिव्यो: इदमन्तरं हि व्याप्तं त्वयैकेन दिशश्च सर्वाः ।
दृष्ट्वा अद्भुतं रूपमुग्रं तवेदं लोकत्रयं प्रव्यथितं महात्मन् ॥२०॥
அமீ ஹி த்வாம் ஸுரஸங்கா⁴ விஶந்தி
கேசித் பீ⁴தா: ப்ராஞ்ஜலயோ க்³ருணந்தி |
ஸ்வஸ்தீத்-யுக்த்வா மஹர்ஷி ஸித்³த⁴ ஸங்கா⁴:
ஸ்துவந்தி த்வாம் ஸ்துதிபி⁴: புஷ்கலாபி⁴: ||21||
अमी हि त्वां सुरसंघा विशन्ति केचित् भीताः प्राञ्जलयो गृणन्ति ।
स्वस्तीत्युक्त्वा महर्षि सिद्ध सङ्घा: स्तुवन्ति त्वां स्तुतिभिः पुष्कलाभिः ॥२१॥
ருத்³ராதி³த்யா வஸவோ யே ச ஸாத்⁴யா
விஶ்வேஶ்வினெள மருதஶ்சோஷ்ம-பாஶ்ச |
க³ந்த⁴ர்வ யக்ஷாஸுர ஸித்³த⁴ ஸங்கா⁴:
வீக்ஷந்தே த்வாம் விஸ்மிதாஶ்சைவ ஸர்வே ||22||
रुद्रादित्या वसवो ये च साध्या विश्वेश्विनौ मरुतश्चोष्म-पाश्च ।
गन्धर्व यक्षासुर सिद्ध संघा: वीक्षन्ते त्वां विस्मिताश्चैव सर्वे ॥२२॥
ரூபம் மஹத்தே ப³ஹுவக்த்ர நேத்ரம்
மஹாபா³ஹோ ப³ஹுபா³ஹூரு பாத³ம் |
ப³ஹூத³ரம் ப³ஹுத³ம்ஷ்ட்ரா கராலம்
த்³ருஷ்ட்வா லோகா: ப்ரவ்யதி²தாஸ்-ததா²ஹம் ||23||
रूपं महत्ते बहुवक्त्र नेत्रं महाबाहो बहुबाहूरु पादम् ।
बहूदरं बहुदंष्ट्रा करालं दृष्ट्वा लोकाः प्रव्यथितास्-तथाहम् ॥२३॥
நப⁴: ஸ்ப்ருஶம் தீ³ப்தம் அநேக வர்ணம்
வ்யாத்தானனம் தீ³ப்த விஶால நேத்ரம் |
த்³ருஷ்ட்வா ஹி த்வாம் ப்ரவ்யதி²த அந்தராத்மா
த்⁴ருதிம் ந விந்தா³மி ஶமம் ச விஷ்ணோ ||24||
नभः स्पृशं दीप्तं अनेक वर्णम् व्यात्ताननं दीप्त विशाल नेत्रम् ।
दृष्ट्वा हि त्वां प्रव्यथित अन्तरात्मा धृतिं न विन्दामि शमं च विष्णो ॥२४॥
த³ம்ஷ்ட்ரா கராலானி ச தே முகா²னி
த்³ருஷ்ட்வைவ காலானல ஸன்னிபா⁴னி |
தி³ஶோ ந ஜானே ந லபே⁴ ச ஶர்ம
ப்ரஸீத³ தே³வேஶ ஜக³ந்நிவாஸ ||25||
दंष्ट्रा करालानि च ते मुखानि दृष्ट्वैव कालानल सन्निभानि ।
दिशो न जाने न लभे च शर्म प्रसीद देवेश जगन्निवास ॥२५॥
அமீ ச த்வாம் த்⁴ருதராஷ்ட்ரஸ்ய புத்ரா:
ஸர்வே ஸஹைவாவனி-பால ஸங்கை⁴: |
பீ⁴ஷ்மோ த்³ரோண: ஸூத-புத்ரஸ்ததா²ஸௌ
ஸஹாஸ்மதீ³யை-ரபி யோத⁴ முக்²யை: ||26||
अमी च त्वां धृतराष्ट्रस्य पुत्राः सर्वे सहैवावनि-पाल संघैः ।
भीष्मो द्रोणः सूत-पुत्रस्तथासौ सहास्मदीयै-रपि योध मुख्यैः ॥२६॥
வக்த்ராணி தே த்வரமாணா விஶந்தி
த³ம்ஷ்ட்ரா கராலானி ப⁴யானகானி |
கேசித் விலக்³னா த³ஶனாந்தரேஷு
ஸந்த்³ருஶ்யந்தே சூர்ணிதை: உத்தமாங்கை³: ||27||
वक्त्राणि ते त्वरमाणा विशन्ति दंष्ट्रा करालानि भयानकानि ।
केचित् विलग्ना दशनान्तरेषु संदृश्यन्ते चूर्णितै: उत्तमाङ्गैः ॥२७॥
யதா² நதீ³னாம் ப³ஹவோம்பு³ வேகா³:
ஸமுத்³ரம் ஏவாபி⁴முகா² த்³ரவந்தி |
ததா² தவாமீ நரலோக வீரா
விஶந்தி வக்த்ராண்யபி⁴ விஜ்வலந்தி ||28||
यथा नदीनां बहवोम्बु वेगा: समुद्रं एवाभिमुखा द्रवन्ति ।
तथा तवामी नरलोक वीरा विशन्ति वक्त्राण्यभि विज्वलन्ति ॥ २८॥
யதா² ப்ரதீ³ப்தம் ஜ்வலனம் பதங்கா³
விஶந்தி நாஶாய ஸம்ருத்³த⁴ வேகா³: |
ததை²வ நாஶாய விஶந்தி லோகா:
தவாபி வக்த்ராணி ஸம்ருத்³த⁴ வேகா³: ||29||
यथा प्रदीप्तं ज्वलनं पतङ्गा विशन्ति नाशाय समृद्ध वेगाः ।
तथैव नाशाय विशन्ति लोका: तवापि वक्त्राणि समृद्ध वेगाः ॥२९॥
லேலிஹ்யஸே க்³ரஸமான: ஸமந்தாத்
லோகான் ஸமக்³ரான் வத³னை-ஜ்வலத்³பி⁴: |
தேஜோபி⁴ரா-பூர்ய ஜக³த்-ஸமக்³ரம்
பா⁴ஸஸ்-தவோக்³ரா: ப்ரதபந்தி விஷ்ணோ ||30||
लेलिह्यसे ग्रसमानः समन्तात् लोकान् समग्रान् वदनै-ज्वलद्भिः ।
तेजोभिरापूर्य जगत्-समग्रं भासस्तवोग्राः प्रतपन्ति विष्णो ॥३०॥
ஆக்²யாஹி மே கோ ப⁴வானுக்³ரரூபோ
நமோஸ்து தே தே³வவர ப்ரஸீத³ |
விக்ஞாதும் இச்சா²மி ப⁴வந்தமாத்³யம்
ந ஹி ப்ரஜானாமி தவ ப்ரவ்ருத்திம் ||31||
आख्याहि मे को भवानुग्ररूपो नमोस्तु ते देववर प्रसीद ।
विज्ञातुं इच्छामि भवन्तमाद्यं न हि प्रजानामि तव प्रवृत्तिम् ॥३१॥
ஸ்ரீ ப⁴க³வானுவாச
காலோஸ்மி லோகக்ஷய க்ருத்-ப்ரவ்ருத்³தோ⁴
லோகான் ஸமாஹர்துமிஹ ப்ரவ்ருத்த: |
ருதேபி த்வாம் ந ப⁴விஷ்யந்தி ஸர்வே
யேவஸ்தி²தா: ப்ரத்யனீகேஷு யோதா⁴: ||32||
श्री भगवानुवाच
कालोस्मि लोकक्षय कृत्-प्रवृद्धो लोकान् समाहर्तुमिह प्रवृत्तः ।
ऋतेपि त्वां न भविष्यन्ति सर्वे येवस्थिताः प्रत्यनीकेषु योधाः ॥३२॥
தஸ்மாத் த்வமுத்திஷ்ட² யஶோ லப⁴ஸ்வ
ஜித்வா ஶத்ரூன் பு⁴ங்க்ஷ்வ ராஜ்யம் ஸம்ருத்³த⁴ம் |
மயைவைதே நிஹதா: பூர்வமேவ
நிமித்த-மாத்ரம் ப⁴வ ஸவ்ய-ஸாசின் ||33||
तस्मात् त्वमुत्तिष्ठ यशो लभस्व जित्वा शत्रून् भुङ्क्ष्व राज्यं समृद्धम् ।
मयैवैते निहताः पूर्वमेव निमित्त-मात्रं भव सव्य-साचिन् ॥३३॥
த்³ரோணம் ச பீ⁴ஷ்மம் ச ஜயத்³ரத²ம் ச
கர்ணம் ததா²ன்யானபி யோத⁴-வீரான் |
மயா ஹதான் த்வம் ஜஹி மா வ்யதி²ஷ்டா²
யுத்⁴யஸ்வ ஜேதாஸி ரணே ஸபத்னான் || 34||
द्रोणं च भीष्मं च जयद्रथं च कर्णम् तथान्यानपि योध-वीरान् ।
मया हतान् त्वं जहि मा व्यथिष्ठा युध्यस्व जेतासि रणे सपत्नान् ॥३४॥
ஸஞ்ஜய உவாச
ஏதத் ஷ்ருத்வா வசனம் கேஶவஸ்ய க்ருதாஞ்ஜலி: வேபமான: கிரீடீ |
நமஸ்க்ருத்வா பூ⁴ய ஏவாஹ க்ருஷ்ணம் ஸ-க³த்³க³த³ம் பீ⁴த-பீ⁴த: ப்ரணம்ய ||35||
सञ्जय उवाच
एतत् श्रुत्वा वचनं केशवस्य कृताञ्जलि: वेपमानः किरीटी ।
नमस्कृत्वा भूय एवाह कृष्णं स-गद्गदं भीत-भीतः प्रणम्य ॥३५॥
அர்ஜு ன உவாச
ஸ்தா²னே ஹ்ருஷீகேஶ தவ ப்ரகீர்த்யா ஜக³த் ப்ரஹ்ருஷ்யதி அனுரஜ்யதே ச |
ரக்ஷாம்ஸி பீ⁴தானி தி³ஶோ த்³ரவந்தி ஸர்வே நமஸ்யந்தி ச ஸித்³த⁴-ஸங்கா⁴: ||36||
अर्जुन उवाच
स्थाने हृषीकेश तव प्रकीर्त्या जगत् प्रहृष्यति अनुरज्यते च ।
रक्षांसि भीतानि दिशो द्रवन्ति सर्वे नमस्यन्ति च सिद्ध-सङ्घा: ॥३६॥
கஸ்மாச்ச தே ந நமேரன் மஹாத்மன் க³ரீயஸே ப்³ரஹ்மணோபி ஆதி³கர்த்ரே |
அனந்த தே³வேஶ ஜக³ந்நிவாஸ த்வமக்ஷரம் ஸத் அஸத் தத்பரம் யத் ||37||
कस्माच्च ते न नमेरन् महात्मन् गरीयसे ब्रह्मणोपि आदिकर्त्रे ।
अनन्त देवेश जगन्निवास त्वमक्षरं सत् असत् तत्परं यत् ॥३७॥
த்வமாதி³தே³வ: புருஷ: புராண: த்வமஸ்ய விஶ்வஸ்ய பரம் நிதா⁴னம் |
வேத்தாஸி வேத்³யம் ச பரம் ச தா⁴ம த்வயா ததம் விஶ்வம் அனந்தரூப ||38||
त्वमादिदेवः पुरुषः पुराण: त्वमस्य विश्वस्य परं निधानम् ।
वेत्तासि वेद्यं च परं च धाम त्वया ततं विश्वं अनन्तरूप ॥३८॥
வாயுர்யமோ அக்³னிர்வருண: ஶஶாங்க: ப்ரஜாபதிஸ்த்வம் ப்ரபிதாமஹஶ்ச |
நமோ நமஸ்தேஸ்து ஸஹஸ்ர-க்ருத்வ: புனஶ்ச பூ⁴யோபி நமோ நமஸ்தே ||39||
वायुर्यमो अग्निर्वरुणः शशाङ्कः प्रजापतिस्त्वं प्रपितामहश्च ।
नमो नमस्तेस्तु सहस्र-कृत्वः पुनश्च भूयोपि नमो नमस्ते ॥३९॥
நம: புரஸ்தா-த³த² ப்ருஷ்ட²தஸ்தே நமோஸ்து தே ஸர்வத ஏவ ஸர்வ |
அனந்த-வீர்யாமித விக்ரமஸ்த்வம் ஸர்வம் ஸமாப்னோஷி ததோஸி ஸர்வ: ||40||
नमः पुरस्तादथ पृष्ठतस्ते नमोस्तु ते सर्वत एव सर्व ।
अनन्त-वीर्यामित विक्रमस्त्वं सर्वम् समाप्नोषि ततोसि सर्वः ॥४०॥
ஸகே²தி மத்வா ப்ரஸப⁴ம் யது³க்தம் ஹே க்ருஷ்ண ஹே யாத³வ ஹே ஸகே²தி |
அஜானதா மஹிமானம் தவேத³ம் மயா ப்ரமாதா³த் ப்ரணயேன வாபி ||41||
सखेति मत्वा प्रसभं यदुक्तं हे कृष्ण हे यादव हे सखेति ।
अजानता महिमानं तवेदं मया प्रमादात् प्रणयेन वापि ॥४१॥
யத் சாவஹா-ஸார்த²ம் அஸத்-க்ருதோஸி விஹார ஶய்யாஸன போ⁴ஜனேஷு |
ஏகோத²வாபி அச்யுத தத்ஸமக்ஷம் தத்-க்ஷாமயே த்வாமஹம் அப்ரமேயம் ||42||
यत् चावहा-सार्थम् असत्-कृतोसि विहार शय्यासन भोजनेषु ।
एकोथवापि अच्युत तत्समक्षं तत्-क्षामये त्वामहं अप्रमेयम् ॥४२॥
பிதாஸி லோகஸ்ய சராசரஸ்ய த்வமஸ்ய பூஜ்யஶ்ச கு³ருர்க³ரீயான் |
ந த்வத்-ஸமோஸ்தி அப்⁴யதி⁴க: குதோன்யோ லோகத்ரயே அப்யப்ரதிம ப்ரபா⁴வ ||43||
पितासि लोकस्य चराचरस्य त्वमस्य पूज्यश्च गुरुर्गरीयान् ।
न त्वत्-समोस्ति अभ्यधिकः कुतोन्यो लोकत्रये अप्यप्रतिम प्रभाव ॥४३॥
தஸ்மாத் ப்ரணம்ய ப்ரணிதா⁴ய காயம் ப்ரஸாத³யே த்வாமஹம் ஈஶமீட்³யம் |
பிதேவ புத்ரஸ்ய ஸகே²வ ஸக்²யு: ப்ரிய: ப்ரியா-யார்ஹஸி தே³வ ஸோடு⁴ம் ||44||
तस्मात् प्रणम्य प्रणिधाय कायं प्रसादये त्वामहं ईशमीड्यम् ।
पितेव पुत्रस्य सखेव सख्युः प्रियः प्रियार्यार्हसि देव सोढुम् ॥४४॥
அத்³ருஷ்ட-பூர்வம் ஹ்ருஷிதோஸ்மி த்³ருஷ்ட்வா ப⁴யேன ச ப்ரவ்யதி²தம் மனோ மே |
ததே³வ மே த³ர்ஶய தே³வ ரூபம் ப்ரஸீத³ தே³வேஶ ஜக³ந்நிவாஸ ||45||
अदृष्ट-पूर्वम् हृषितोस्मि दृष्ट्वा भयेन च प्रव्यथितं मनो मे ।
तदेव मे दर्शय देव रूपं प्रसीद देवेश जगन्निवास ॥४५॥
கிரீடினம் க³தி³னம் சக்ர-ஹஸ்தம் இச்சா²மி த்வாம் த்³ரஷ்டுமஹம் ததை²வ |
தேனைவ ரூபேண சதுர்பு⁴ஜேன ஸஹஸ்ர பா³ஹோ ப⁴வ விஶ்வ-மூர்தே ||46||
किरीटिनं गदिनं चक्र-हस्तम् इच्छामि त्वां द्रष्टुमहं तथैव ।
तेनैव रूपेण चतुर्भुजेन सहस्र बाहो भव विश्व-मूर्ते ॥४६॥
ஸ்ரீ ப⁴க³வானுவாச
மயா ப்ரஸன்னேன தவார்ஜுனேத³ம் ரூபம் பரம் த³ர்ஶிதமாத்ம யோகா³த் |
தேஜோமயம் விஶ்வமனந்த மாத்³யம் யன்மே த்வத³ன்யேன ந த்³ருஷ்ட-பூர்வம் ||47||
श्री भगवानुवाच
मया प्रसन्नेन तवार्जुनेदं रूपं परं दर्शितमात्म योगात् ।
तेजोमयं विश्वमनन्त माद्यं यन्मे त्वदन्येन न दृष्ट-पूर्वम् ॥४७॥
ந வேத³யக்ஞ அத்⁴யயனை: ந தா³னை: ந ச க்ரியாபி⁴: ந தபோபி⁴-ருக்³ரை: |
ஏவம்ரூப: ஶக்ய அஹம் ந்ருலோகே த்³ரஷ்டும் த்வத³ன்யேன குரு-ப்ரவீர ||48||
न वेदयज्ञ अध्ययनै: न दानै: न च क्रियाभि: न तपोभि-रुग्रैः ।
एवंरूपः शक्य अहं नृलोके द्रष्टुं त्वदन्येन कुरु-प्रवीर ॥४८॥
மா தே வ்யதா² மா ச விமூட⁴-பா⁴வோ த்³ருஷ்ட்வா ரூபம் கோ⁴ரமீத்³ருக் மமேத³ம் |
வ்யபேதபீ⁴: ப்ரீதமனா: புனஸ்த்வம் ததே³வ மே ரூபமித³ம் ப்ரபஶ்ய ||49||
मा ते व्यथा मा च विमूढ-भावो दृष्ट्वा रूपं घोरमीदृक् ममेदम् ।
व्यपेतभीः प्रीतमनाः पुनस्त्वं तदेव मे रूपमिदं प्रपश्य ॥४९॥
ஸஞ்ஜய உவாச
இத்யர்ஜுனம் வாஸுதே³வ: ததோ²க்த்வா ஸ்வகம் ரூபம் த³ர்ஶயாமாஸ பூ⁴ய: |
ஆஶ்வாஸயாமாஸ ச பீ⁴தமேனம் பூ⁴த்வா புன: ஸௌம்ய வபுர்மஹாத்மா ||50||
संजय उवाच
इत्यर्जुनं वासुदेव: तथोक्त्वा स्वकं रूपं दर्शयामास भूयः ।
आश्वासयामास च भीतमेनं भूत्वा पुनः सौम्य वपुर्महात्मा ॥५०॥
அர்ஜுன உவாச
த்³ருஷ்ட்வேத³ம் மானுஷம் ரூபம் தவ ஸௌம்யம் ஜனார்த³ன |
இதா³னீமஸ்மி ஸம்வ்ருத்த: ஸசேதா: ப்ரக்ருதிம் க³த: ||51||
अर्जुन उवाच
दृष्ट्वेदं मानुषं रूपं तव सौम्यं जनार्दन ।
इदानीमस्मि संवृत्तः सचेताः प्रकृतिं गतः ॥५१॥
ஸ்ரீ ப⁴க³வானுவாச
ஸுது³ர்த³ர்ஶம் இத³ம் ரூபம் த்³ருஷ்டவானஸி யன்மம |
தே³வா அப்யஸ்ய ரூபஸ்ய நித்யம் த³ர்ஶன காங்க்ஷிண: ||52||
श्री भगवानुवाच
सुदुर्दर्शम् इदं रूपं दृष्टवानसि यन्मम ।
देवा अप्यस्य रूपस्य नित्यं दर्शन काङ्क्षिणः ॥५२॥
நாஹம் வேதை³ர்ன தபஸா ந தா³னேன ந சேஜ்யயா |
ஶக்ய ஏவம்-விதோ⁴ த்³ரஷ்டும் த்³ருஷ்டவானஸி மாம் யதா² ||53||
नाहं वेदैर्न तपसा न दानेन न चेज्यया ।
शक्य एवं-विधो द्रष्टुं दृष्टवानसि मां यथा ॥५३॥
ப⁴க்த்யா த்வனன்யயா ஶக்ய அஹமேவம் விதோ⁴ர்ஜுன |
ஞாதும் த்³ரஷ்டும் ச தத்-த்வேன ப்ரவேஷ்டும் ச பரந்தப ||54||
भक्त्या त्वनन्यया शक्य अहमेवं विधोर्जुन ।
ज्ञातुं द्रष्टुं च तत्-त्वेन प्रवेष्टुं च परंतप ॥५४॥
மத்கர்ம-க்ருத் மத்பரமோ மத்-ப⁴க்த: ஸங்க³-வர்ஜித: |
நிர்வைர: ஸர்வ-பூ⁴தேஷு ய: ஸ மாமேதி பாண்ட³வ ||55||
मत्कर्म-कृत् मत्परमो मत्-भक्तः सङ्ग-वर्जितः ।
निर्वैरः सर्व-भूतेषु यः स मामेति पाण्डव ॥५५॥
ஓம் தத்ஸத் இதி ஸ்ரீமத்³ ப⁴க³வத்³கீ³தாஸூ
உபநிஷத்ஸு ப்³ரஹ்ம-வித்³யாயாம் யோக³ ஶாஸ்த்ரே
ஸ்ரீ கிருஷ்ணார்ஜுன ஸம்வாதே³
விஶ்வரூப த³ர்ஶன யோகோ³ நாம
ஏகாத³ஶோத்⁴யாய: ||
ॐ तत्सत् इति श्रीमद् भगवद्गीतासू
उपनिषत्सु ब्रह्म-विद्यायां योग शास्त्रे
श्री कृष्णार्जुन सम्वादे
विश्वरूप दर्शन योगो नाम
एकादशोध्याय: ||