Geetha Govindham - Ashtapadhi 11
Geetha Govindham
Ashtapadhi - 11
ராக3ம்: கேதா3ரகௌ3ளம் தாளம்: ஆதி3
राग: केदारगौलम् ताल: आदि
பூர்வம் யத்ர ஸமம் த்வயா ரதிபதே: ஆஸாதி3தா: ஸித்3த4ய:
தஸ்மின்னேவ நிகுஞ்ஜ மன்மத2 மஹா தீர்த்தே2 புனர்மாத4வ:
த்4யாயன் த்வாம் அனிஶம் ஜபன்னபி தவைவாலாப மந்த்ராவளீம்
பூ4ய: த்வத் குச கும்ப4 நிர்ப4ர பரீரம்பா4ம்ருதம் வாஞ்ச2தி
पूर्वम् यत्र समं त्वया रतिपतेः आसादिताः सिद्धयः
तस्मिन्नेव निकुञ्ज मन्मथ महा तीर्थे पुनर्माधवः ।
ध्यायन् त्वां अनिशं जपन्नपि तवैवालाप मन्त्रावळीम्
भूयः त्वत् कुच कुम्भ निर्भर परीरम्भामृतं वाञ्छति॥
1.
ரதி ஸுக2 ஸாரே க3தமபி4ஸாரே | மத3ன மனோஹர வேஷம்
ந குரு நிதம்பி3னி க3மன விளம்ப3னம் | அனுஸர தம் ஹ்ருத3யேஶம்
ப:
தீ4ர ஸமீரே யமுனா தீரே | வஸதி வனே வனமாலீ
கோ3பீ பீன பயோத4ர மர்த3ன | சஞ்சல கரயுக3 ஶாலீ (தீ4ர)
रति सुख सारे गतमभिसारे, मदन मनोहर वेषम् ।
न कुरु नितम्बिनि गमन विळम्बनम्, अनुसर तं हृदयेशम् ॥
धीर समीरे यमुना तीरे, वसति वने वनमाली
गोपी पीन पयोधर मर्दन चञ्चल करयुग शाली ॥ (धीर)
2.
நாம ஸமேதம் க்ருத ஸங்கேதம் | வாத3யதே ம்ருது3 வேணும்
ப3ஹுமனுதே நனு தே தனுஸங்க3த | பவன சலிதமபி ரேணும் (தீ4ர)
नाम समेतं कृत सङ्केतं, वादयते मृदु वेणुम् ।
बहुमनुते ननु ते तनुसङ्गत, पवन चलितमपि रेणुम् ॥ (धीर)
3.
பததி பதத்ரே விசலதி பத்ரே | ஶங்கித ப4வத் உபயானம்
ரசயதி ஶயனம் ஸசகித நயனம் | பஶ்யதி தவ பந்தா2னம் (தீ4ர)
पतति पतत्रे विचलति पत्रे, शङ्कित भवत् उपयानम् ।
रचयति शयनं सचकित नयनं, पश्यति तव पन्थानम् ॥ (धीर)
4.
முக2ரமதீ4ரம் த்யஜ மஞ்ஜீரம் | ரிபுமிவ கேளிஷு லோலம்
சல ஸகி2 குஞ்ஜம் ஸதிமிர புஞ்ஜம் | ஶீலய நீல நிசோளம் (தீ4ர)
मुखरमधीरं त्यज मञ्जीरं, रिपुमिव केळिषु लोलम् ।
चल सखि कुञ्जं सतिमिर पुञ्जं, शीलय नील निचोळम् ॥ (धीर)
5.
உரஸி முராரே: உபஹித ஹாரே | க4ன இவ தரள ப3லாகே
தடிதி3வ பீதே ரதி விபரீதே | ராஜஸி ஸுக்ருத விபாகே (தீ4ர)
उरसि मुरारे: उपहित हारे, घन इव तरळ बलाके ।
तटिदिव पीते रति विपरीते, राजसि सुकृत विपाके ॥ (धीर)
6.
விக3ளித வஸனம் பரிஹ்ருத ரஶனம் | க4டய ஜக4னம் அபிதா4னம்
கிஸலய ஶயனே பங்கஜ நயனே | நிதி4மிவ ஹர்ஷ நிதா3னம் (தீ4ர)
विगळित वसनं परिहृत रशनं, घटय जघनं अपिधानम् ।
किसलय शयने पङ्कज नयने, निधिमिव हर्ष निदानम् ॥ (धीर)
7.
ஹரிரபி4மானீ ரஜநிரி-தா3னீம் | இயம் உபயாதி விராமம்
குரு மம வசனம் ஸத்வர ரசனம் | பூரய மது4ரிபு காமம் (தீ4ர)
हरिरभिमानी रजनिरि-दानीम्, इयं उपयाति विरामम् ।
कुरु मम वचनं सत्वर रचनं, पूरय मधुरिपु कामम् ॥ (धीर)
8.
ஶ்ரீ ஜயதே3வே க்ருத ஹரி ஸேவே | ப4ணதி பரம ரமணீயம்
ப்ரமுதி3த ஹ்ருத3யம் ஹரிம் அதி ஸத3யம் | நமத ஸுக்ருத கமனீயம் (தீ4ர)
श्री जयदेवे कृत हरि सेवे, भणति परम रमणीयम् ।
प्रमुदित हृदयं हरिम् अति सदयं, नमत सुकृत कमनीयम्॥ (धीर)
ப:
தீ4ர ஸமீரே யமுனா தீரே | வஸதி வனே வனமாலீ
கோ3பீ பீன பயோத4ர மர்த3ன | சஞ்சல கரயுக3 ஶாலீ (தீ4ர)
धीर समीरे यमुना तीरे, वसति वने वनमाली
गोपी पीन पयोधर मर्दन चञ्चल करयुग शाली ॥ (धीर)
1.
விகிரதி முஹு: ஶ்வாஸான் ஆஶா: புரோ முஹுரீக்ஷதே
ப்ரவிஶதி முஹு: குஞ்ஜம் கு3ஞ்ஜன் முஹுர்ப3ஹு தாம்யதி
ரசயதி முஹு: ஶய்யாம் பர்யாகுலம் முஹுரீக்ஷதே
மத3ன கத3ன க்லாந்த: காந்தே! ப்ரியஸ்தவ வர்ததே
विकिरति मुहुः श्वासान् आशाः पुरो मुहुरीक्षते
प्रविशति मुहुः कुञ्जम् गुञ्जन् मुहुर्बहु ताम्यति ।
रचयति मुहुः शय्यां पर्याकुलं मुहुरीक्षते
मदन कदन क्लान्तः कान्ते प्रियस्तव वर्तते ॥
2.
த்வத்3வாக்யேன ஸமம் ஸமக்3ரமது4னா திக்3மாம் ஶுரஸ்தம் க3தோ
கோ3விந்த3ஸ்ய மனோரதே2ன ச ஸமம் ப்ராப்தம் தம: ஸாந்த்3ரதாம்
கோகானாம் கருணஸ்வனேன ஸத்3ருஶீ தீ3ர்கா4 மத3ப்4யர்த2னா
தன் முக்3தே4 ! விப2லம் விலம்ப3னம் அஸௌ ரம்ய: அபி4ஸாரக்ஷண:
त्वद्वाक्येन समं समग्रमधुना तिग्मां शुरस्तं गतो
गोविन्दस्य मनोरथेन च समं प्राप्तं तमः सान्द्रताम् ।
कोकानां करुणस्वनेन सदृशी दीर्घा मदभ्यर्थना
तन् मुग्धे विफलं विलम्बनं असौ रम्यः अभिसारक्षणः ॥
3.
ஆஶ்லேஷாத3னு சும்ப3னாத3னு நகோ2ல்லேகா2த3னு ஸ்வாந்தஜ
ப்ரோத்3-போ3தா4த3னு ஸம்ப்4ரமாத3னு ரதாரம்பா4த3னு ப்ரீதயோ:
அன்யார்த்த2ம் க3தயோ: ப்4ரமான் மிளிதயோ: ஸம்பா4ஷணை: ஜானதோ:
த3ம்பத்யோரிஹ கோ ந கோ ந தமஸி வ்ரீடா3 விமிஶ்ரோ ரஸ:
आश्लेषादनु चुम्बनादनु नखोल्लेखादनु स्वान्तज
प्रोद्-बोधादनु सम्भ्रमादनु रतारम्भादनु प्रीतयोः ।
अन्यार्थम् गतयोः भ्रमान् मिळितयोः सम्भाषणैः जानतोः ॥
दम्पत्योरिह को न को न तमसि व्रीडा विमिश्रो रसः॥
4.
ஸப4ய-சகிதம் வின்யஸ்யந்தீம் த்3ருஶம் திமிரே பதி2
ப்ரதிதரு முஹு: ஸ்தி2த்வா மந்த3ம் பதா3னி விதன்வதீம்
கத2மபி ரஹ: ப்ராப்தாம் அங்கை3: அனங்க3 தரங்கி3தை:
ஸுமுகி2 ! ஸுப4க3: பஶ்யன் ஸத்வாம் உபைது க்ருதார்த2தாம்
सभय-चकितं विन्यस्यन्तीम् दृशं तिमिरे पथि
प्रतितरु मुहुः स्थित्वा मन्दं पदानि वितन्वतीम् ।
कथमपि रहः प्राप्तां अङ्गैः अनङ्ग तरङ्गितैः
सुमुखि सुभगः पश्यन् सत्वां उपैतु कृतार्थताम् ॥
5.
ராதா4 முக்3த4 முகா2ரவிந்த3 மது4ப: த்ரைலோக்ய மௌளிஸ்த2லீ
நேபத்2-யோசித நீலரத்னம் அவனீ பா4ர அவதாராந்தக:
ஸவச்ச2ந்த3ம் வ்ரஜ ஸுந்த3ரீஜன மனஸ்தோஷ ப்ரதோ3ஷ: சிரம்
கம்ஸ த்4வம்ஸன தூ4மகேது: அவது த்வாம் தே3வகீ நந்த3ன:
राधा मुग्ध मुखारविन्द मधुपः त्रैलोक्य मौळिस्थली
नेपथ्योचित नीलरत्नं अवनी भार अवतारान्तक: ।
स्वच्छन्दं व्रज सुन्दरीजन मनस्तोष प्रदोषः चिरं
कंस ध्वम्सन धूमकेतुः अवतु त्वां देवकी नन्दनः॥
இதி ஶ்ரீ கீ3த கோ3விந்தே3 ஶ்ருங்கா3ர மஹா காவ்யே
ஶ்ரீ க்ருஷ்ணதா3ஸ ஜயதே3வ க்ருதௌ
அபி4ஸாரிகா வர்ணனே ஸாகாங்க்ஷ
புண்ட3ரீகாக்ஷோ நாம பஞ்சம: ஸர்க3:
इति श्री गीत गोविन्दे श्रुङ्गार महा काव्ये
श्री कृष्ण दास जयदेव कृतौ
अभिसारिका वर्णने साकाङ्क्ष
पुण्डरीकाक्षो नाम पञ्चमः सर्गः ॥