Bhagavad Gita - Chapter 10
Bhagavad Gita
Chapter - 10
அத² த³ஶமோத்⁴யாய:
अथ दशमोध्याय:
விபூ⁴தி யோக³:
विभूति योगः
ஸ்ரீ ப⁴க³வானுவாச
பூ⁴ய ஏவ மஹாபா³ஹோ ஶ்ருணு மே பரமம் வச: |
யத்தேஹம் ப்ரீய-மாணாய வக்ஷ்யாமி ஹித காம்யயா ||1||
श्री भगवानुवाच
भूय एव महाबाहो शृणु मे परमं वचः ।
यत्तेहं प्रीय-माणाय वक्ष्यामि हित काम्यया ॥१॥
ந மே விது³: ஸுரக³ணா: ப்ரப⁴வம் ந மஹர்ஷய: |
அஹமாதி³ர்ஹி தே³வானாம் மஹர்ஷீணாம் ச ஸர்வஶ: ||2||
न मे विदुः सुरगणाः प्रभवं न महर्षयः ।
अहमादिर्हि देवानां महर्षीणां च सर्वशः ॥२॥
யோ மாம் அஜமநாதி³ம் ச வேத்தி லோக மஹேஶ்வரம் |
அஸம்மூட⁴: ஸ மர்த்யேஷு ஸர்வபாபை: ப்ரமுச்யதே ||3||
यो मां अजमनादिम् च वेत्ति लोक महेश्वरम् ।
असंमूढः स मर्त्येषु सर्वपापैः प्रमुच्यते ॥३॥
பு³த்³தி⁴ர்-ஞானம் அஸம்மோஹ: க்ஷமா ஸத்யம் த³ம: ஶம: |
ஸுக²ம் து³:க²ம் ப⁴வோபா⁴வோ ப⁴யம் சாப⁴யமேவ ச ||4||
बुद्धिर्ज्ञानं असंमोहः क्षमा सत्यं दमः शमः ।
सुखं दुःखं भवोभावो भयं चाभयमेव च ॥४॥
அஹிம்ஸா ஸமதா துஷ்டி: தபோ தா³னம் யஶோயஶ: |
ப⁴வந்தி பா⁴வா பூ⁴தானாம் மத்த ஏவ ப்ருத²க்-விதா⁴: ||5||
अहिंसा समता तुष्टि: तपो दानं यशोयशः ।
भवन्ति भावा भूतानां मत्त एव पृथक्-विधाः ॥५॥
மஹர்ஷய: ஸப்த பூர்வே சத்வாரோ மனவஸ்ததா² |
மத்-பா⁴வா மானஸா ஜாதா யேஷாம் லோக இமா: ப்ரஜா: ||6||
महर्षयः सप्त पूर्वे चत्वारो मनवस्तथा ।
मत्-भावा मानसा जाता येषां लोक इमाः प्रजाः ॥६॥
ஏதாம் விபூ⁴திம் யோக³ம் ச மம யோ வேத்தி தத்-த்வத: |
ஸோவிகல்பேன யோகே³ன யுஜ்யதே நாத்ர ஸம்ஶய: ||7||
एतां विभूतिं योगं च मम यो वेत्ति तत्-त्वतः ।
सोविकल्पेन योगेन युज्यते नात्र संशयः ॥७॥
அஹம் ஸர்வஸ்ய ப்ரப⁴வோ மத்த: ஸர்வம் ப்ரவர்ததே |
இதி மத்வா ப⁴ஜந்தே மாம் பு³தா⁴ பா⁴வ ஸமன்விதா: ||8||
अहं सर्वस्य प्रभवो मत्तः सर्वम् प्रवर्तते ।
इति मत्वा भजन्ते मां बुधा भाव समन्विताः ॥८॥
மத்-சித்தா மத்-க³தப்ராணா போ³த⁴யந்த: பரஸ்பரம் |
கத²யந்தஶ்ச மாம் நித்யம் துஷ்யந்தி ச ரமந்தி ச ||9||
मत्-चित्ता मत्-गतप्राणा बोधयन्तः परस्परम् ।
कथयन्तश्च मां नित्यं तुष्यन्ति च रमन्ति च ॥ ९॥
தேஷாம் ஸதத-யுக்தானாம் ப⁴ஜதாம் ப்ரீதி பூர்வகம் |
த³தா³மி பு³த்³தி⁴-யோக³ம் தம் யேன மாம் உபயாந்தி தே ||10||
तेषां सतत-युक्तानां भजतां प्रीति पूर्वकम् ।
ददामि बुद्धियोगं तं येन मां उपयान्ति ते ॥१०॥
தேஷாம் ஏவானுகம்-பார்த²ம் அஹம் அக்ஞானஜம் தம: |
நாஶயாம்யாத்ம பா⁴வஸ்தோ² ஞான தீ³பேன பா⁴ஸ்வதா ||11||
तेषां एवानुकं-पार्थम् अहं अज्ञानजं तमः ।
नाशयांयात्म भावस्थो ज्ञान दीपेन भास्वता ॥११॥
அர்ஜுன உவாச
பரம் ப்³ரஹ்ம பரம் தா⁴ம பவித்ரம் பரமம் ப⁴வான் |
புருஷம் ஶாஶ்வதம் தி³வ்யம் ஆதி³தே³வமஜம் விபு⁴ம் ||12||
अर्जुन उवाच
परं ब्रह्म परं धाम पवित्रं परमं भवान् ।
पुरुषं शाश्वतं दिव्यं आदिदेवमजं विभुम् ॥१२॥
ஆஹுஸ்த்வாம் ருஷய: ஸர்வே தே³வர்ஷி: நாரத³ஸ்ததா² |
அஸிதோ தே³வலோ வ்யாஸ: ஸ்வயம் சைவ ப்³ரவீஷி மே ||13||
आहुस्त्वां रुषयः सर्वे देवर्षि: नारदस्तथा ।
असितो देवलो व्यासः स्वयं चैव ब्रवीषि मे ॥१३॥
ஸர்வம் ஏதத்³ருதம் மன்யே யன்மாம் வத³ஸி கேஶவ |
ந ஹி தே ப⁴க³வன் வ்யக்திம் விது³ர்தே³வா ந தா³னவா: ||14||
सर्वम् एतदृतं मन्ये यन्मां वदसि केशव ।
न हि ते भगवन् व्यक्तिं विदुर्देवा न दानवाः ॥१४॥
ஸ்வயம் ஏவாத்மனா ஆத்மானம் வேத்த² த்வம் புருஷோத்தம |
பூ⁴தபா⁴வன பூ⁴தேஶ தே³வதே³வ ஜக³த்பதே ||15||
स्वयं एवात्मना आत्मानं वेत्थ त्वं पुरुषोत्तम ।
भूतभावन भूतेश देवदेव जगत्पते ॥१५॥
வக்துமர்ஹஸி அஶேஷேண தி³வ்யா ஹ்யாத்ம விபூ⁴தய: |
யாபி⁴ர்-விபூ⁴திபி⁴: லோகான் இமாம்ஸ்-த்வம் வ்யாப்ய திஷ்ட²ஸி ||16||
वक्तुमर्हसि अशेषेण दिव्या ह्यात्म विभूतयः ।
याभिर्विभूतिभि: लोकान् इमांस्त्वं व्याप्य तिष्ठसि ॥१६॥
கத²ம் வித்³யாமஹம் யோகி³: த்வாம் ஸதா³ பரி-சிந்தயன் |
கேஷு கேஷு ச பா⁴வேஷு சிந்த்யோஸி ப⁴க³வன் மயா ||17||
कथं विद्यामहं योगि: त्वां सदा परि-चिन्तयन् ।
केषु केषु च भावेषु चिन्त्योसि भगवन् मया ॥ १७॥
விஸ்தரேண ஆத்மனோ யோக³ம் விபூ⁴திம் ச ஜனார்த³ன |
பூ⁴ய: கத²ய த்ருப்திர்ஹி ஶ்ருண்வதோ நாஸ்தி மேம்ருதம் ||18||
विस्तरेण आत्मनो योगं विभूतिं च जनार्दन ।
भूयः कथय तृप्तिर्हि शृण्वतो नास्ति मेमृतम् ॥१८॥
ஸ்ரீ ப⁴க³வானுவாச
ஹந்த தே கத²யிஷ்யாமி தி³வ்யா ஹ்யாத்ம விபூ⁴தய: |
ப்ராதா⁴ன்யத: குரு-ஶ்ரேஷ்ட² நாஸ்த்யந்தோ விஸ்தரஸ்ய மே ||19||
श्री भगवानुवाच
हन्त ते कथयिष्यामि दिव्या ह्यात्म विभूतयः ।
प्राधान्यतः कुरु-श्रेष्ठ नास्त्यन्तो विस्तरस्य मे ॥१९॥
அஹமாத்மா கு³டா³கேஶ ஸர்வ பூ⁴தாஶய-ஸ்தி²த: |
அஹமாதி³ஶ்ச மத்⁴யம் ச பூ⁴தானாமந்த ஏவ ச ||20||
अहमात्मा गुडाकेश सर्व भूताशय-स्थितः ।
अहमादिश्च मध्यं च भूतानामन्त एव च ॥२०॥
ஆதி³த்யானாம் அஹம் விஷ்ணு: ஜ்யோதிஷாம் ரவிரம்ஶுமான் |
மரீசி: மருதாமஸ்மி நக்ஷத்ராணாம் அஹம் ஶஶீ ||21||
आदित्यानां अहं विष्णु: ज्योतिषां रविरंशुमान् ।
मरीचि: मरुतामस्मि नक्षत्राणां अहं शशी ॥२१॥
வேதா³னாம் ஸாம-வேதோ³ஸ்மி தே³வானாமஸ்மி வாஸவ: |
இந்த்³ரியாணாம் மனஶ்சாஸ்மி பூ⁴தானாமஸ்மி சேதனா ||22||
वेदानां साम-वेदोस्मि देवानामस्मि वासवः ।
इन्द्रियाणां मनश्चास्मि भूतानामस्मि चेतना ॥२२॥
ருத்³ராணாம் ஶங்கரஶ்சாஶ்மி வித்தேஶோ யக்ஷ-ரக்ஷஸாம் |
வஸூனாம் பாவகஶ்சாஸ்மி மேரு: ஶிக²ரிணாம் அஹம் ||23||
रुद्राणां शंकरश्चास्मि वित्तेशो यक्ष-रक्षसाम् ।
वसूनां पावकश्चास्मि मेरुः शिखरिणां अहम् ॥ २३॥
புரோத⁴ஸாம் ச முக்²யம் மாம் வித்³தி⁴ பார்த² ப்³ருஹஸ்பதிம் |
ஸேனானீனாம் அஹம் ஸ்கந்த³: ஸரஸாம் அஸ்மி ஸாக³ர: ||24||
पुरोधसां च मुख्यं मां विद्धि पार्थ बृहस्पतिम् ।
सेनानीनां अहं स्कन्दः सरसां अस्मि सागरः ॥२४॥
மஹர்ஷீணாம் ப்⁴ருகு³ரஹம் கி³ராமஸ்மி ஏகம் அக்ஷரம் |
யக்ஞானாம் ஜப-யக்ஞோஸ்மி ஸ்தா²வராணாம் ஹிமாலய: ||25||
महर्षीणां भृगुरहं गिरामस्मि एकं अक्षरम् ।
यज्ञानां जप-यज्ञोस्मि स्थावराणां हिमालयः ॥२५॥
அஶ்வத்த²: ஸர்வ வ்ருக்ஷாணாம் தே³வர்ஷீணாம் ச நாரத³: |
க³ந்த⁴ர்வாணாம் சித்ரரத²: ஸித்³தா⁴னாம் கபிலோ முனி: ||26||
अश्वत्थः सर्व वृक्षाणां देवर्षीणां च नारदः ।
गन्धर्वाणां चित्ररथः सिद्धानां कपिलो मुनिः ॥२६॥
உச்சை: ஶ்ரவஸம் அஶ்வானாம் வித்³தி⁴ மாம் அம்ருதோத்³ப⁴வம் |
ஐராவதம் க³ஜேந்த்³ராணாம் நராணாம் ச நராதி⁴பம் ||27||
उच्चैःश्रवसं अश्वानां विद्धि मां अमृतोद्भवम् ।
ऐरावतं गजेन्द्राणां नराणां च नराधिपम् ॥२७॥
ஆயுதா⁴னாம் அஹம் வஜ்ரம் தே⁴னூனாம் அஸ்மி காமது⁴க் |
ப்ரஜனஶ்சாஸ்மி கந்த³ர்ப: ஸர்பாணாம் அஸ்மி வாஸுகி: ||28||
आयुधानां अहं वज्रं धेनूनां अस्मि कामधुक् ।
प्रजनश्चास्मि कन्दर्पः सर्पाणां अस्मि वासुकिः ॥२८॥
அனந்தஶ்சாஸ்மி நாகா³னாம் வருணோ யாத³ஸாம் அஹம் |
பித்ரூணாம் அர்யமா சாஸ்மி யம: ஸம்யமதாம் அஹம் ||29||
अनन्तश्चास्मि नागानां वरुणो यादसां अहम् ।
पितॄणां अर्यमा चास्मि यमः संयमतां अहम् ॥ २९॥
ப்ரஹ்லாத³ஶ்சாஸ்மி தை³த்யானாம் கால: கலயதாம் அஹம் |
ம்ருகா³ணாம் ச ம்ருகே³ந்த்³ரோஹம் வைனதேயஶ்ச பக்ஷிணாம் ||30||
प्रह्लादश्चास्मि दैत्यानां कालः कलयतां अहम् ।
मृगाणां च मृगेन्द्रोहं वैनतेयश्च पक्षिणाम् ॥३०॥
பவன: பவதாம் அஸ்மி ராம: ஶஸ்த்ர ப்⁴ருதாமஹம் |
ஜ²ஷாணாம் மகரஶ்சாஸ்மி ஸ்ரோதஸாம் அஸ்மி ஜாஹ்னவீ ||31||
पवनः पवतां अस्मि रामः शस्त्र भृतामहम् ।
झषाणां मकरश्चास्मि स्रोतसां अस्मि जाह्नवी ॥३१॥
ஸர்கா³ணாம் ஆதி³ரந்தஶ்ச மத்⁴யம் சைவாஹம் அர்ஜுன |
அத்⁴யாத்ம வித்³யா வித்³யானாம் வாத³: ப்ரவத³தாம் அஹம் ||32||
सर्गाणां आदिरन्तश्च मध्यं चैवाहं अर्जुन ।
अध्यात्म विद्या विद्यानां वादः प्रवदतां अहम् ॥३२॥
அக்ஷராணாம் அகாரோஸ்மி த்³வந்த்³வ: ஸாமாஸி-கஸ்ய ச |
அஹமேவாக்ஷய: காலோ தா⁴தாஹம் விஶ்வதோமுக²: ||33||
अक्षराणां अकारोस्मि द्वन्द्वः सामासि-कस्य च ।
अहमेवाक्षयः कालो धाताहं विश्वतोमुखः ॥३३॥
ம்ருத்யு: ஸர்வஹரஶ்-சாஹம் உத்³ப⁴வஶ்ச ப⁴விஷ்யதாம் |
கீர்தி: ஸ்ரீர்வாக்ச நாரீணாம் ஸ்ம்ருதிர்மேதா⁴ த்⁴ருதி: க்ஷமா ||34||
मृत्युः सर्वहरश्चाहम् उद्भवश्च भविष्यताम् ।
कीर्तिः श्रीर्वाक्च नारीणां स्मृतिर्मेधा धृतिः क्षमा ॥३४॥
ப்³ருஹத்ஸாம ததா² ஸாம்னாம் கா³யத்ரீ ச²ந்த³ஸாம் அஹம் |
மாஸானாம் மார்க³ ஶீர்ஷோஹம்- ருதூனாம் குஸுமாகர: ||35||
बृहत्साम तथा साम्नां गायत्री छन्दसां अहम् ।
मासानां मार्गशीर्षोहं रुतूनां कुसुमाकरः ॥३५॥
த்³யூதம் ச²லயதாம் அஸ்மி தேஜஸ்-தேஜஸ்வினாம் அஹம் |
ஜயோஸ்மி வ்யவஸாயோஸ்மி ஸத்த்வம் ஸத்த்வ-வதாம் அஹம் ||36||
द्यूतं छलयतां अस्मि तेजस्तेजस्विनां अहम् ।
जयोस्मि व्यवसायोस्मि सत्त्वं सत्त्व-वतां अहम् ॥३६॥
வ்ருஷ்ணீனாம் வாஸுதே³வோஸ்மி பாண்ட³வானாம் த⁴னஞ்ஜய: |
முனீனாமபி அஹம் வ்யாஸ: கவீனாம் உஶனா கவி: ||37||
वृष्णीनां वासुदेवोस्मि पाण्डवानां धनञ्जयः ।
मुनीनामपि अहं व्यासः कवीनां उशना कविः ॥३७॥
த³ண்டோ³ த³மயதாம் அஸ்மி நீதிரஸ்மி ஜிகீ³ஷதாம் |
மௌனம் சைவாஸ்மி கு³ஹ்யானாம் ஞானம் ஞானவதாம் அஹம் ||38||
दण्डो दमयतां अस्मि नीतिरस्मि जिगीषताम् ।
मौनं चैवास्मि गुह्यानां ज्ञानं ज्ञानवतां अहम् ॥ ३८॥
யச்சாபி ஸர்வ பூ⁴தானாம் பீ³ஜம் தத³ஹம் அர்ஜுன |
ந தத³ஸ்தி வினா யத்-ஸ்யாத் மயா பூ⁴தம் சராசரம் ||39||
यच्चापि सर्व भूतानां बीजं तदहं अर्जुन ।
न तदस्ति विना यत्-स्यात् मया भूतं चराचरम् ॥३९॥
நாந்தோஸ்தி மம தி³வ்யானாம் விபூ⁴தீனாம் பரந்தப |
ஏஷது உத்³தே³ஶத: ப்ரோக்தோ விபூ⁴தே: விஸ்தரோ மயா ||40||
नान्तोस्ति मम दिव्यानां विभूतीनां परन्तप ।
एषतु उद्देशतः प्रोक्तो विभूते: विस्तरो मया ॥४०॥
யத்-யத் விபூ⁴தி மத்-ஸத்த்வம் ஸ்ரீமத் ஊர்ஜிதம் ஏவ வா |
தத்-தத் ஏவாவ க³ச்ச²-த்வம் மம தேஜோம்ஶ ஸம்ப⁴வம் ||41||
यत्-यत् विभूति मत्-सत्त्वं श्रीमत् ऊर्जितं एव वा ।
तत्-तत् एवाव गच्छ-त्वं मम तेजोम्श संभवम् ॥४१॥
அத²வா ப³ஹுனைதேன கிம் ஞாதேன தவார்ஜுன |
விஷ்டப்⁴ய அஹமித³ம் க்ருத்ஸ்னம் ஏகாம்ஶேன ஸ்தி²தோ ஜக³த் ||42||
अथवा बहुनैतेन किम् ज्ञातेन तवार्जुन ।
विष्टभ्य अहमिदं कृत्स्नं एकांशेन स्थितो जगत् ॥ ४२॥
ஓம் தத்ஸத் இதி ஸ்ரீமத்³-ப⁴க³வத்³கீ³தாஸூ
உபநிஷத்ஸு ப்³ரஹ்ம-வித்³யாயாம் யோக³ ஶாஸ்த்ரே
ஸ்ரீ கிருஷ்ணார்ஜுன ஸம்வாதே³
விபூ⁴தி யோகோ³ நாம
த³ஶமோத்⁴யாய: ||
ॐ तत्सत् इति श्रीमद्-भगवद्गीतासू
उपनिषत्सु ब्रह्म-विद्यायां योग शास्त्रे
श्री कृष्णार्जुन सम्वादे
विभूति योगो नाम
दशमोध्याय: ||