Bhagavad Gita - Chapter 9
Bhagavad Gita
Chapter - 9
அத² நவமோத்⁴யாய:
अथ नवमोध्याय:
ராஜவித்³யா ராஜ கு³ஹ்ய யோக³:
राजविद्या राजगुह्य योगः
ஸ்ரீ ப⁴க³வானுவாச
இத³ம் து தே கு³ஹ்யதமம் ப்ரவக்ஷ்யாமி அனஸூயவே |
ஞானம் விக்ஞான ஸஹிதம் யத்-ஞாத்வா மோக்ஷ்யஸே அஶுபா⁴த் ||1||
श्री भगवानुवाच
इदं तु ते गुह्यतमं प्रवक्ष्यामि अनसूयवे ।
ज्ञानं विज्ञान सहितं यत्-ज्ञात्वा मोक्ष्यसे अशुभात् ॥ १॥
ராஜ-வித்³யா ராஜ-கு³ஹ்யம் பவித்ரமித³ம் உத்தமம் |
ப்ரத்யக்ஷ அவக³மம் த⁴ர்ம்யம் ஸுஸுக²ம் கர்தும் அவ்யயம் ||2||
राज-विद्या राज-गुह्यं पवित्रमिदं उत्तमम् ।
प्रत्यक्ष अवगमं धर्म्यम् सुसुखं कर्तुम् अव्ययम् ॥२॥
அஶ்ரத்³த³தா⁴னா: புருஷா: த⁴ர்மஸ்யாஸ்ய பரந்தப |
அப்ராப்ய மாம் நிவர்தந்தே ம்ருத்யு ஸம்ஸார வர்த்மனி ||3||
अश्रद्दधानाः पुरुषा: धर्मस्यास्य परन्तप ।
अप्राप्य मां निवर्तन्ते मृत्यु संसार वर्त्मनि ॥३॥
மயா ததமித³ம் ஸர்வம் ஜக³த³வ்யக்த மூர்தினா |
மத்-ஸ்தா²னி ஸர்வ பூ⁴தானி ந சாஹம் தேஷு அவஸ்தி²த: ||4||
मया ततमिदं सर्वम् जगदव्यक्त मूर्तिना ।
मत्स्थानि सर्व भूतानि न चाहं तेषु अवस्थितः ॥४॥
ந ச மத்-ஸ்தா²னி பூ⁴தானி பஶ்ய மே யோக³மைஶ்வரம் |
பூ⁴த-ப்⁴ருன்ன ச பூ⁴தஸ்தோ² மமாத்மா பூ⁴த பா⁴வன: ||5||
न च मत्स्थानि भूतानि पश्य मे योगमैश्वरम् ।
भूत-भृन्न च भूतस्थो ममात्मा भूत भावनः ॥५॥
ததா² ஸர்வாணி பூ⁴தானி மத்-ஸ்தா²னீதி உபதா⁴ரய ||6||
यथा आकाश-स्थितो नित्यं वायुः सर्वत्रगो महान् ।
तथा सर्वाणि भूतानि मत्स्थानीति उपधारय ॥६॥
ஸர்வ பூ⁴தானி கௌந்தேய ப்ரக்ருதிம் யாந்தி மாமிகாம் |
கல்பக்ஷயே புனஸ்தானி கல்பாதௌ³ விஸ்ருஜாம்யஹம் ||7||
सर्व भूतानि कौन्तेय प्रकृतिं यान्ति मामिकाम् ।
कल्पक्षये पुनस्तानि कल्पादौ विसृजांयहम् ॥७॥
ப்ரக்ருதிம் ஸ்வாம் அவஷ்டப்⁴ய விஸ்ருஜாமி புன: புன: |
பூ⁴த-க்³ராமம் இமம் க்ருத்ஸ்னம் அவஶம் ப்ரக்ருதேர்-வஶாத் ||8||
प्रकृतिं स्वामं अवष्टभ्य विसृजामि पुनः पुनः ।
भूत-ग्रामं इमं कृत्स्नं अवशं प्रकृतेर्वशात् ॥८॥
ந ச மாம் தானி கர்மாணி நிப³த்⁴னந்தி த⁴னஞ்ஜய |
உதா³ஸீனவத் ஆஸீனம் அஸக்தம் தேஷு கர்மஸு ||9||
न च मां तानि कर्माणि निबध्नन्ति धनञ्जय ।
उदासीनवत् आसीनं असक्तं तेषु कर्मसु ॥९॥
மயா அத்⁴யக்ஷேண ப்ரக்ருதி: ஸூயதே ஸசராசரம் |
ஹேதுனானேன கௌந்தேய ஜக³த் விபரி-வர்ததே ||10||
मया अध्यक्षेण प्रकृतिः सूयते सचराचरम् ।
हेतुनानेन कौन्तेय जगत् विपरि-वर्तते ॥१०॥
அவஜானந்தி மாம் மூடா⁴ மானுஷீம் தனுமாஶ்ரிதம் |
பரம் பா⁴வமஜானந்தோ மம பூ⁴த மஹேஶ்வரம் ||11||
अवजानन्ति मां मूढा मानुषीं तनुमाश्रितम् ।
परं भावमजानन्तो मम भूत महेश्वरम् ॥११॥
மோகா⁴ஶா மோக⁴ கர்மாணோ மோக⁴ ஞானா விசேதஸ: |
ராக்ஷஸீம் ஆஸுரீம் சைவ ப்ரக்ருதிம் மோஹினீம் ஶ்ரிதா: ||12||
मोघाशा मोघ कर्माणो मोघ ज्ञाना विचेतसः ।
राक्षसीं आसुरीं चैव प्रकृतिं मोहिनीम् श्रिताः ॥१२॥
மஹாத்மானஸ்து மாம் பார்த² தை³வீம் ப்ரக்ருதிமாஶ்ரிதா: |
ப⁴ஜந்தி அனன்ய மனஸோ ஞாத்வா பூ⁴தாதி³ம் அவ்யயம் ||13||
महात्मानस्तु मां पार्थ दैवीं प्रकृतिमाश्रिताः ।
भजन्ति अनन्य मनसो ज्ञात्वा भूतादिम् अव्ययम् ॥१३॥
ஸததம் கீர்தயந்தோ மாம் யதந்தஶ்ச த்³ருட⁴வ்ரதா: |
நமஸ்யந்தஶ்ச மாம் ப⁴க்த்யா நித்ய-யுக்தா உபாஸதே ||14||
सततं कीर्तयन्तो मां यतन्तश्च दृढव्रताः ।
नमस्यन्तश्च मां भक्त्या नित्य-युक्ता उपासते ॥१४॥
ஞான யக்ஞேன சாப்யன்யே யஜந்தோ மாம் உபாஸதே |
ஏகத்வேன ப்ருத²க்த்வேன ப³ஹுதா⁴ விஶ்வதோ-முக²ம் ||15||
ज्ञान यज्ञेन चाप्यन्ये यजन्तो मां उपासते ।
एकत्वेन पृथक्त्वेन बहुधा विश्वतो-मुखम् ॥१५॥
அஹம் க்ரதுரஹம் யக்ஞ: ஸ்வதா⁴ஹம் அஹம் ஒளஷத⁴ம் |
மந்த்ரோஹம் அஹம் ஏவாஜ்யம் அஹம் அக்³னி: அஹம் ஹுதம் ||16||
अहं क्रतुरहं यज्ञः स्वधाहं अहं औषधम् ।
मन्त्रोहं अहं एवाज्यं अहं अग्नि: अहं हुतम् ॥१६॥
பிதாஹம் அஸ்ய ஜக³தோ மாதா தா⁴தா பிதாமஹ: |
வேத்³யம் பவித்ரம் ஓம்கார ருக் ஸாம யஜுரேவ ச ||17||
पिताहं अस्य जगतो माता धाता पितामहः ।
वेद्यं पवित्रं ॐकार ऋक् साम यजुरेव च ॥१७॥
க³திர்ப⁴ர்தா ப்ரபு⁴: ஸாக்ஷீ நிவாஸ: ஶரணம் ஸுஹ்ருத் |
ப்ரப⁴வ: ப்ரலய: ஸ்தா²னம் நிதா⁴னம் பீ³ஜம் அவ்யயம் ||18||
गतिर्भर्ता प्रभुः साक्षी निवासः शरणं सुहृत् ।
प्रभवः प्रलयः स्थानं निधानं बीजं अव्ययम् ॥१८॥
தபாம்யஹம் அஹம் வர்ஷம் நிக்³ருஹ்ணாமி உத்ஸ்ருஜாமி ச |
அம்ருதம் சைவ ம்ருத்யுஶ்ச ஸத³ஸச்சாஹம் அர்ஜுன ||19||
तपाम्यहं अहं वर्षम् निगृह्णामि उत्सृजामि च ।
अमृतं चैव मृत्युश्च सदसच्चाहं अर्जुन ॥१९॥
த்ரைவித்³யா மாம் ஸோமபா: பூதபாபா
யக்ஞைரிஷ்ட்வா ஸ்வர்க³திம் ப்ரார்த²யந்தே |
தே புண்யமாஸாத்³ய ஸுரேந்த்³ர-லோகம்
அஶ்னந்தி தி³வ்யான்-தி³வி தே³வபோ⁴கா³ன் ||20||
त्रैविद्या मां सोमपाः पूतपापा यज्ञैरिष्ट्वा स्वर्गतिं प्रार्थयन्ते ।
ते पुण्यमासाद्य सुरेन्द्र-लोकं अश्नन्ति दिव्यान्-दिवि देवभोगान् ॥२०॥
தே தம் பு⁴க்த்வா ஸ்வர்க³லோகம் விஶாலம்
க்ஷீணே புண்யே மர்த்யலோகம் விஶந்தி |
ஏவம் த்ரயீ த⁴ர்மம் அனு-ப்ரபன்னா
க³தாக³தம் காமகாமா லப⁴ந்தே ||21||
ते तं भुक्त्वा स्वर्गलोकं विशालं क्षीणे पुण्ये मर्त्यलोकं विशन्ति ।
एवं त्रयी धर्मम् अनु-प्रपन्ना गतागतं कामकामा लभन्ते ॥२१॥
அனன்யாஶ்-சிந்தயந்தோ மாம் யே ஜனா: பர்யுபாஸதே |
தேஷாம் நித்யாபி⁴-யுக்தானாம் யோக³க்ஷேமம் வஹாம்யஹம் ||22||
अनन्याश्चिन्तयन्तो मां ये जनाः पर्युपासते ।
तेषां नित्याभियुक्तानां योगक्षेमं वहाम्यहम् ॥२२॥
யேப்யன்ய தே³வதா ப⁴க்தா யஜந்தே ஶ்ரத்³த⁴யான்விதா: |
தேபி மாமேவ கௌந்தேய யஜந்தி அவிதி⁴ பூர்வகம் ||23||
येप्यन्य देवता भक्ता यजन्ते श्रद्धयान्विताः ।
तेपि मामेव कौन्तेय यजन्ति अविधि पूर्वकम् ॥२३॥
அஹம் ஹி ஸர்வ யக்ஞானாம் போ⁴க்தா ச ப்ரபு⁴ரேவ ச |
ந து மாம் அபி⁴ஜானந்தி தத்-த்வேன அதஶ்ச்யவந்தி தே ||24||
अहं हि सर्व यज्ञानां भोक्ता च प्रभुरेव च ।
न तु मां अभिजानन्ति तत्त्वेन अतश्च्यवन्ति ते ॥२४॥
யாந்தி தே³வவ்ரதா தே³வான் பித்ரூன்-யாந்தி பித்ருவ்ரதா: |
பூ⁴தானி யாந்தி பூ⁴தேஜ்யா யாந்தி மத்-யாஜினோபி மாம் ||25||
यान्ति देवव्रता देवान् पितॄन्-यान्ति पितृव्रताः ।
भूतानि यान्ति भूतेज्या यान्ति मत्-याजिनोपि माम् ॥२५॥
பத்ரம் புஷ்பம் ப²லம் தோயம் யோ மே ப⁴க்த்யா ப்ரயச்ச²தி |
தத³ஹம் ப⁴க்தி உபஹ்ருதம் அஶ்நாமி ப்ரயதாத்மன: ||26||
पत्रं पुष्पं फलं तोयं यो मे भक्त्या प्रयच्छति ।
तदहं भक्ति उपहृतं अश्नामि प्रयतात्मनः ॥२६॥
யத்-கரோஷி யத்-அஶ்நாஸி யத்-ஜுஹோஷி த³தா³ஸி யத் |
யத்-தபஸ்யஸி கௌந்தேய தத்-குருஷ்வ மத³ர்பணம் ||27||
यत्-करोषि यत्-अश्नासि यत्-जुहोषि ददासि यत् ।
यत्-तपस्यसि कौन्तेय तत्-कुरुष्व मदर्पणम् ॥२७॥
ஶுபா⁴ஶுப⁴ ப²லைரேவம் மோக்ஷ்யஸே கர்ம ப³ந்த⁴னை: |
ஸந்ந்யாஸ யோக³-யுக்தாத்மா விமுக்தோ மாமுபைஷ்யஸி ||28||
शुभाशुभ फलैरेवं मोक्ष्यसे कर्म बन्धनैः ।
सन्न्यास योग-युक्तात्मा विमुक्तो मामुपैष्यसि ॥२८॥
ஸமோஹம் ஸர்வ பூ⁴தேஷு ந மே த்³வேஷ்யஸ்தி ந ப்ரிய: |
யே ப⁴ஜந்தி து மாம் ப⁴க்த்யா மயி தே தேஷு சாப்யஹம் ||29||
समोहं सर्व भूतेषु न मे द्वेष्यस्ति न प्रियः ।
ये भजन्ति तु मां भक्त्या मयि ते तेषु चाप्यहम् ॥२९॥
அபி சேத் ஸுது³ராசார: ப⁴ஜதே மாம் அனன்ய பா⁴க் |
ஸாது⁴ரேவ ஸ மந்தவ்ய: ஸம்யக் வ்யவஸிதோ ஹி ஸ: ||30||
अपि चेत् सुदुराचार: भजते मां अनन्य भाक् ।
साधुरेव स मन्तव्यः सम्यक् व्यवसितो हि सः ॥३०॥
க்ஷிப்ரம் ப⁴வதி த⁴ர்மாத்மா ஶஶ்வத்-ஷாந்திம் நிக³ச்ச²தி |
கௌந்தேய ப்ரதி ஜானீஹி ந மே ப⁴க்த: ப்ரணஶ்யதி ||31||
क्षिप्रं भवति धर्मात्मा शश्वत्-शान्तिं निगच्छति ।
कौन्तेय प्रति जानीहि न मे भक्तः प्रणश्यति ॥३१॥
மாம் ஹி பார்த² வ்யபாஶ்ரித்ய யேபி ஸ்யு: பாப-யோனய: |
ஸ்த்ரியோ வைஶ்யாஸ்ததா² ஶூத்³ரா: தேபி யாந்தி பராம் க³திம் ||32||
मां हि पार्थ व्यपाश्रित्य येपि स्युः पाप-योनयः ।
स्त्रियो वैश्यास्तथा शूद्रा: तेपि यान्ति परां गतिम् ॥३२॥
கிம் புனர்-ப்³ராஹ்மணா: புண்யா: ப⁴க்தா ராஜர்ஷய: ததா² |
அநித்யம் அஸுக²ம் லோகம் இமம் ப்ராப்ய ப⁴ஜஸ்வ மாம் ||33||
किम् पुनर्ब्राह्मणाः पुण्या: भक्ता राजर्षय: तथा ।
अनित्यं असुखं लोकं इमं प्राप्य भजस्व माम् ॥३३॥
மன்மனா ப⁴வ மத்-ப⁴க்தோ மத்-யாஜீ மாம் நமஸ்குரு |
மாம் ஏவைஷ்யஸி யுக்-த்வைவம் ஆத்மானம் மத்-பராயண: ||34||
मन्मना भव मत्-भक्तो मत्-याजी मां नमस्कुरु ।
मां एवैष्यसि युक्त्वैवं आत्मानं मत्-परायणः ॥३४॥
ஓம் தத்ஸத் இதி ஸ்ரீமத்³ ப⁴க³வத்³கீ³தாஸூ
உபநிஷத்ஸு ப்³ரஹ்ம-வித்³யாயாம் யோக³ ஶாஸ்த்ரே
ஸ்ரீ கிருஷ்ணார்ஜுன ஸம்வாதே³
ராஜவித்³யா ராஜகு³ஹ்ய யோகோ³ நாம
நவமோத்⁴யாய: ||
ॐ तत्सत् इति श्रीमद् भगवद्गीतासू
उपनिषत्सु ब्रह्म-विद्यायां योग शास्त्रे
श्री कृष्णार्जुन सम्वादे
राजविद्या राजगुह्य योगो नाम
नवमोध्यायः ||