मञ्जुतर कुञ्जतल केलि सदने ।

इह विलस रति रभस हसित वदने ॥

प्रविश राधे माधव समीपं कुरू मुरारे मङ्गळ शतानि ॥ १॥ (प्रविश)

नव भवत् अशोक दळ शयन सारे ।

इह विलस कुच कलश तरळ हारे ॥ २॥ (प्रविश)

चलमलय वन पवन सुरभि शीते ।

इह विलस रसवलित ललित गीते ॥ ३॥ (प्रविश)

कुसुमचय रचित शुचि वास गेहे ।

इह विलस कुसुम सुकुमार देहे ॥ ४॥ (प्रविश)

मधुतरळ पिक निकर निनद मुखरे ।

इह विलस दशन रुचि रुचिर शिखरे ॥ ५॥ (प्रविश)

वितत बहु वल्लि नव पल्लव घने ।

इह विलस पीन कुच कुम्भ जघने ॥६॥ (प्रविश)

मधु मुदित मधुपकुल कलित रावे ।

इह विलस मदनशर रभस भावे ॥ ७॥ (प्रविश)

विहित पद्मावती सुख समाजे ।

भणति जयदेव कवि राज राजे ॥ ८ ॥ (प्रविश)

प्रविश राधे माधव समीपं कुरू मुरारे मङ्गळ शतानि ॥ १॥ (प्रविश)

त्वां चित्तेन चिरं वहन् अयम् अतिश्रान्तो भृशं तापितः

कन्दर्पेण च, पातुमिच्छति सुधा सम्बाध बिम्बाधरम् ।

अस्याङ्गम् तदलङकुरु क्षणमिह भ्रू क्षेप लक्ष्मीलव-

क्रीते दास इव उपसेवित पदाम्भोजे कुतः सम्भ्रमः ॥