Geetha Govindham - Ashtapadhi 16
Geetha Govindham
Ashtapadhi - 16
ராக3ம்: புன்னாக3வராளி தாளம்: ஆதி3
राग: पुन्नागवरालि ताल: आदि
நாயாத: ஸகி2! நிர்த3யோ யதி3 ஶட2: த்வம் தூ3தி! கிம் தூ3யஸே ?
ஸ்வச்ச2ந்த3ம் ப3ஹுவல்லப4: ஸ ரமதே, கிம் தத்ர தே தூ3ஷணம் |
பஶ்யாத்3ய ப்ரிய-ஸங்க3மாய த3யிதஸ்ய ஆக்ருஷ்யமாணம் கு3ணை:
உத்கண்ட2 ஆர்த்தி ப4ராதி3வ ஸ்பு2டதி3த3ம் சேத: ஸ்வயம் யாஸ்யதி ||
नायातः सखि निर्दयो यदि शठः त्वं दूति ! किम् दूयसे ?
स्वच्छन्दं बहुवल्लभः स रमते, किम् तत्र ते दूषणम् ।
पश्याद्य प्रिय-सङ्गमाय दयितस्य आकृष्यमाणं गुणै:
उत्कण्ठ आर्ति भरादिव स्फुटदिदं चेतः स्वयं यास्यति ॥
1.
அனில தரள குவலய நயனேன
தபதி ந ஸா கிஸலய ஶயனேன
ப:
யா ரமிதா வனமாலினா ஸகி2
யா ரமிதா வனமாலினா (யா ரமிதா)
अनिल तरळ कुवलय नयनेन ।
तपति न सा किसलय शयनेन ॥
या रमिता वनमालिना सखि
या रमिता वनमालिना (या रमिता)
2.
விகஸித ஸரஸிஜ லலித முகே2ன
ஸ்பு2டதி ந ஸா மனஸிஜ விஶிகே2ன (யா ரமிதா)
विकसित सरसिज ललित मुखेन ।
स्फुटति न सा मनसिज विशिखेन ॥ (या रमिता)
3.
அம்ருத மது4ர ம்ருது3தர வசனேன
ஜ்வலதி ந ஸா மலயஜ பவனேன (யா ரமிதா)
अमृत मधुर मृदुतर वचनेन ।
ज्वलति न सा मलयज पवनेन ॥ (या रमिता)
4.
ஸ்த2ல ஜலருஹ ருசி கர சரணேன
லுட2தி ந ஸா ஹிமகர கிரணேன (யா ரமிதா)
स्थल जलरुह रुचि कर चरणेन ।
लुठति न सा हिमकर किरणेन ॥ (या रमिता)
5.
ஸஜல ஜலத3 ஸமுத3ய ருசிரேண
த3ளதி ந ஸா ஹ்ருதி3 விரஹ ப4ரேண (யா ரமிதா)
सजल जलद समुदय रुचिरेण ।
दळति न सा हृदि विरह भरेण ॥ (या रमिता)
6.
கனக நிசய ருசி ஶுசி வஸனேன
ஶ்வஸிதி ந ஸா பரிஜன ஹஸனேன(யா ரமிதா)
कनक निचय रुचि शुचि वसनेन ।
श्वसिति न सा परिजन हसनेन ॥ (या रमिता)
7.
ஸகல பு4வன ஜன வர தருணேன
வஹதி ந ஸா ருஜம் அதி கருணேன (யா ரமிதா)
सकल भुवन जन वर तरुणेन ।
वहति न सा रुजं अति करुणेन ॥ (या रमिता)
8.
ஶ்ரீ ஜயதே3வ ப4ணித வசனேன
ப்ரவிஶது ஹரிரபி ஹ்ருத3யம் அனேன(யா ரமிதா)
श्री जयदेव भणित वचनेन ।
प्रविशतु हरिरपि हृदयं अनेन ॥ (या रमिता)
ப:
யா ரமிதா வனமாலினா ஸகி2
யா ரமிதா வனமாலினா (யா ரமிதா)
या रमिता वनमालिना सखि
या रमिता वनमालिना (या रमिता)
1.
மனோ ப4வானந்த3ன சந்த3னாநில! ப்ரஸீத3ரே த3க்ஷிண முஞ்ச வாமதாம்
க்ஷணம் ஜக3த்ப்ராண! நிதா4ய மாத4வம்
புரோ மம ப்ராணஹரோ ப4விஷ்யஸி ॥
मनो भवानन्दन चन्दनानिल! प्रसीद रे दक्षिण मुञ्च वामताम् ।
क्षणं जगत्प्राण ! निधाय माधवं पुरो मम प्राणहरो भविष्यसि ॥
2.
ரிபுரிவ ஸகீ2 ஸம்வாஸோயம் ஶிகீ2வ ஹிமா நிலோ
விஷமிவ ஸுதா4 ரஶ்மி: யஸ்மின் து3னோதி மனோக3தே |
ஹ்ருத3யம் அத3யே தஸ்மின்னேவம் புனர்வலதே ப3லாத்
குவலய த்3ருஶாம் வாம: காமோ நிகாம நிரங்குஶ: ||
रिपुरिव सखी संवासोयं शिखीव हिमा निलो
विषमिव सुधा रश्मिः यस्मिन् दुनोति मनोगते ।
हृदयं अदये तस्मिन्नेवं पुनर्वलते बलात्
कुवलय दृशां वामः कामो निकाम निरङ्कुशः ॥
3.
பா3தா4ம் விதே4ஹி மலயானில பஞ்சபா3ண
ப்ராணான் க்3ருஹாண ந க்3ருஹம் புன: ஆஶ்ரயிஷ்யே |
கிம் தே க்ருதாந்த ப4கி3னி க்ஷமயா தரங்கை3:
அங்கா3னி ஸிஞ்ச மம ஶாம்யது தே3ஹ தா3ஹ: ||
बाधां विधेहि मलयानिल पञ्चबाण
प्राणान् गृहाण न गृहं पुन: आश्रयिष्ये ।
किम् ते कृतान्त भगिनि क्षमया तरङ्गैः
अङ्गानि सिञ्च मम शाम्यतु देह दाहः ॥
4.
ஸாந்த்3ரானந்த3 புரந்த3ராதி3 தி3விஷத் ப்3ருந்தை3: அமந்தா3 த3ராத்
ஆனம்ரை: மகுடேந்த்3ர நீலமணிபி4: ஸந்த3ர்ஶித இந்தீ3வரம் |
ஸ்வச்ச2ந்த3ம் மகரந்த3 ஸுந்த3ரக3ளன் மந்தா3கினீ மேது3ரம்
ஶ்ரீ கோ3விந்த3 பதா3ரவிந்த3ம் அஶுப4ஸ்கந்தா3ய வந்தா3மஹே ||
सान्द्रानन्द पुरन्दरादि दिविषत् बृन्दैः अमन्दा दरात्
आनम्-रै: मकुटेन्द्र नीलमणिभिः सन्दर्शित इन्दीवरम् ।
स्वच्छन्दं मकरन्द सुन्दरगळन् मन्दाकिनी मेदुरम्
श्री गोविन्द पदारविन्दं अशुभस्कन्दाय वन्दामहे ॥
இதி ஶ்ரீ கீ3த கோ3விந்தே3 ஶ்ருங்கா3ர மஹா காவ்யே
ஶ்ரீ க்ருஷ்ணதா3ஸ ஜயதே3வ க்ருதௌ
விப்ரலப்3தா4 வர்ணனே
நாக3ரிக நாராயணோ நாம ஸப்தம: ஸர்க3:
इति श्री गीत गोविन्दे श्रृङ्गार महा काव्ये
श्री कृष्णदास जयदेव कृतौ विप्रलब्धा वर्णने
नागरिक नारायणो नाम सप्तमः सर्गः ॥