Bhagavad Gita - Chapter 16
Bhagavad Gita
Chapter - 16
அத² ஷோட³ஶோத்⁴ யாய:
अथ षोडशोध्याय:
தை³வாஸுர ஸம்பத் விபாக³ யோக³:
दैवासुर सम्पत् विभाग योगः
ஸ்ரீ ப⁴க³வானுவாச
அப⁴யம் ஸத்த்வ ஸம்ஶுத்³தி⁴: ஞான யோக³ வ்யவஸ்தி²தி: |
தா³னம் த³மஶ்ச யக்ஞஶ்ச ஸ்வாத்⁴யா-யஸ்தப ஆர்ஜவம் ||1||
श्री भगवानुवाच
अभयं सत्त्व संशुद्धि: ज्ञान योग व्यवस्थितिः ।
दानं दमश्च यज्ञश्च स्वाध्या-यस्तप आर्जवम् ॥१॥
அஹிம்ஸா ஸத்யமக்ரோத⁴: த்யாக³: ஶாந்திர-பைஶுனம் |
த³யா பூ⁴தேஷ்வ-லோலுப்த்வம் மார்த³வம் ஹ்ரீர-சாபலம் ||2||
अहिंसा सत्यमक्रोध: त्यागः शान्तिर-पैशुनम् ।
दया भूतेष्व-लोलुप्त्वं मार्दवं ह्रीर-चापलम् ॥२॥
தேஜ: க்ஷமா த்⁴ருதி: ஶௌசம் அத்³ரோஹோ நாதிமானிதா |
ப⁴வந்தி ஸம்பத³ம் தை³வீம் அபி⁴ஜாதஸ்ய பா⁴ரத ||3||
तेजः क्षमा धृतिः शौचं अद्रोहो नातिमानिता ।
भवन्ति संपदं दैवीं अभिजातस्य भारत ॥३॥
த³ம்போ⁴ த³ர்போபி⁴-மானஶ்ச க்ரோத⁴: பாருஷ்யமேவ ச |
அக்ஞானம் சாபி⁴ஜாதஸ்ய பார்த² ஸம்பத³ம் ஆஸுரீம் ||4||
दम्भो दर्पोभि-मानश्च क्रोधः पारुष्यमेव च ।
अज्ञानं चाभिजातस्य पार्थ संपदं आसुरीम् ॥४॥
தை³வீ ஸம்பத் விமோக்ஷாய நிப³ந்தா⁴ய ஆஸுரீ மதா |
மா ஶுச: ஸம்பத³ம் தை³வீம் அபி⁴ஜாதோஸி பாண்ட³வ ||5||
दैवी संपत् विमोक्षाय निबन्धाय आसुरी मता ।
मा शुचः संपदं दैवीम् अभिजातोसि पाण्डव ॥५॥
த்³வௌ பூ⁴த-ஸர்கௌ³ லோகேஸ்மின் தை³வாஸுர ஏவ ச |
தை³வோ விஸ்தரஶ: ப்ரோக்த ஆஸுரம் பார்த² மே ஶ்ருணு ||6||
द्वौ भूत-सर्गौ लोकेस्मिन् दैवासुर एव च ।
दैवो विस्तरशः प्रोक्त आसुरं पार्थ मे शृणु ॥६॥
ப்ரவ்ருத்திம் ச நிவ்ருத்திம் ச ஜனா ந விது³ராஸுரா: |
ந ஶௌசம் நாபி சாசாரோ ந ஸத்யம் தேஷு வித்³யதே ||7||
प्रवृत्तिं च निवृत्तिं च जना न विदुरासुराः ।
न शौचं नापि चाचारो न सत्यं तेषु विद्यते ॥७॥
அஸத்யம் அப்ரதிஷ்ட²ம் தே ஜக³த் ஆஹுரனீஶ்வரம் |
அபரஸ்பர ஸம்பூ⁴தம் கிமன்யத் காம-ஹைதுகம் ||8||
असत्यं अप्रतिष्ठं ते जगत् आहुरनीश्वरम् ।
अपरस्पर संभूतं किमन्यत् काम-हैतुकम्॥८॥
ஏதாம் த்³ருஷ்டிம் அவஷ்டப்⁴ய நஷ்டாத்மானோ அல்ப பு³த்³த⁴ய: |
ப்ரப⁴வந்தி உக்³ர கர்மாண: க்ஷயாய ஜக³தோஹிதா: ||9||
एतां दृष्टिम् अवष्टभ्य नष्टात्मानो अल्प बुद्धयः ।
प्रभवन्ति उग्र कर्माणः क्षयाय जगतोहिताः ॥९॥
காமம் ஆஶ்ரித்ய து³ஷ்பூரம் த³ம்ப⁴ மான மதா³ன்விதா: |
மோஹாத் க்³ருஹீத்வா அஸத்-க்³ராஹான் ப்ரவர்தந்தே அஶுசி வ்ரதா:||10||
कामं आश्रित्य दुष्पूरं दम्भ मान मदान्विताः ।
मोहात् गृहीत्वा असत्-ग्राहान् प्रवर्तन्ते अशुचि व्रताः ॥१०॥
சிந்தாம் அபரிமேயாம் ச ப்ரலயாந்தாம் உபாஶ்ரிதா: |
காமோப-போ⁴க³ பரமா ஏதாவதி³தி நிஶ்சிதா: ||11||
चिन्तां अपरिमेयां च प्रलयान्तां उपाश्रिताः ।
कामोप-भोग परमा एतावदिति निश्चिताः ॥११॥
ஆஶாபாஶ ஶதைர்ப³த்³தா⁴: காம க்ரோத⁴ பராயணா: |
ஈஹந்தே காம போ⁴கா³ர்த²ம் அந்யா-யேனார்த² ஸஞ்சயான் ||12||
आशापाश शतैर्बद्धाः काम क्रोध परायणाः ।
ईहन्ते काम भोगार्थम् अन्या-येनार्थ सञ्चयान् ॥१२॥
இத³மத்³ய மயா லப்³த⁴ம் இமம் ப்ராப்ஸ்யே மனோரத²ம் |
இத³ம் அஸ்தீத³மபி மே ப⁴விஷ்யதி புனர்த⁴னம் ||13||
इदमद्य मया लब्धं इमं प्राप्स्ये मनोरथम् ।
इदं अस्तीदमपि मे भविष्यति पुनर्धनम् ॥१३॥
அஸௌ மயா ஹத: ஶத்ரு: ஹனிஷ்யே சாபரானபி |
ஈஶ்வரோஹமஹம் போ⁴கீ³ ஸித்³தோ⁴ஹம் ப³லவான் ஸுகீ² ||14||
असौ मया हतः शत्रु: हनिष्ये चा परानपि ।
ईश्वरोहमहं भोगी सिद्धोहं बलवान् सुखी ॥१४॥
ஆட்⁴ யோபி⁴ ஜனவானஸ்மி கோன்யோஸ்தி ஸத்³ருஶோ மயா |
யக்ஷ்யே தா³ஸ்யாமி மோதி³ஷ்ய இத்யக்ஞான விமோஹிதா: ||15||
आढ्योभि जनवानस्मि कोन्योस्ति सदृशो मया ।
यक्ष्ये दास्यामि मोदिष्य इत्यज्ञान विमोहिताः ॥१५॥
அநேக சித்த விப்⁴ராந்தா மோஹ ஜால ஸமாவ்ருதா: |
ப்ரஸக்தா: காம போ⁴கே³ஷு பதந்தி நரகேஶுசௌ ||16||
अनेक चित्त विभ्रान्ता मोह जाल समावृताः ।
प्रसक्ताः काम भोगेषु पतन्ति नरकेशुचौ ॥१६॥
ஆத்ம ஸம்பா⁴விதா: ஸ்தப்³தா⁴ த⁴னமான மதா³ன்விதா: |
யஜந்தே நாம யக்ஞைஸ்தே த³ம்பே⁴னாவிதி⁴ பூர்வகம் ||17||
आत्म संभाविताः स्तब्धा धनमान मदान्विताः ।
यजन्ते नाम यज्ञैस्ते दम्भेनाविधि पूर्वकम् ॥१७॥
அஹங்காரம் ப³லம் த³ர்பம் காமம் க்ரோத⁴ம் ச ஸம்ஶ்ரிதா: |
மாமாத்ம பர-தே³ஹேஷு ப்ரத்³விஷந்தோ அப்⁴யஸூயகா: ||18||
अहंकारं बलं दर्पम् कामं क्रोधं च संश्रिताः ।
मामात्म पर-देहेषु प्रद्विषन्तो अभ्यसूयकाः ॥१८॥
தானஹம் த்³விஷத: க்ருரான் ஸம்ஸாரேஷு நராத⁴மான் |
க்ஷிபாமி அஜஸ்ரம் அஶுபா⁴ன் ஆஸுரீஷு ஏவ யோனிஷு ||19||
तानहं द्विषतः क्रुरान् संसारेषु नराधमान् ।
क्षिपामि अजस्रं अशुभान् आसुरीषु एव योनिषु ॥१९॥
ஆஸுரீம் யோனி-மாபன்னா மூடா⁴ ஜன்மனி ஜன்மனி |
மாம் அப்ராப்யைவ கௌந்தேய ததோ-யாந்தி அத⁴மாம் க³திம் ||20||
आसुरीं योनि-मापन्ना मूढा जन्मनि जन्मनि ।
मां अप्राप्यैव कौन्तेय ततो-यान्ति अधमां गतिम् ॥२०॥
த்ரிவித⁴ம் நரகஸ்யேத³ம் த்³வாரம் நாஶனமாத்மன: |
காம: க்ரோத⁴ஸ்ததா² லோப⁴: தஸ்மாத் ஏதத்-த்ரயம் த்யஜேத் ||21||
त्रिविधं नरकस्येदं द्वारं नाशनमात्मनः ।
कामः क्रोधस्तथा लोभ: तस्मात् एतत्-त्रयं त्यजेत् ॥२१॥
ஏதைர்விமுக்த: கௌந்தேய தமோ-த்³வாரை: த்ரிபி⁴ர்நர: |
ஆசரத்-யாத்மன: ஶ்ரேய: ததோ யாதி பராம் க³திம் ||22||
एतैर्विमुक्तः कौन्तेय तमो-द्वारै: त्रिभिर्नरः ।
आचरत्-यात्मनः श्रेय: ततो याति परां गतिम् ॥२२॥
ய: ஶாஸ்த்ர-விதி⁴ம் உத்ஸ்ருஜ்ய வர்ததே காம-காரத: |
ந ஸ ஸித்³தி⁴ம் அவாப்னோதி ந ஸுக²ம் ந பராம் க³திம் ||23||
यः शास्त्र-विधिम् उत्सृज्य वर्तते काम-कारतः ।
न स सिद्धिम् अवाप्नोति न सुखं न परां गतिम् ॥२३॥
தஸ்மாத் ஶாஸ்த்ரம் ப்ரமாணம் தே கார்யாகார்ய வ்யவஸ்தி²தௌ |
ஞாத்வா ஶாஸ்த்ர விதா⁴னோக்தம் கர்ம கர்துமிஹ அர்ஹஸி ||24||
तस्मात् शास्त्रं प्रमाणं ते कार्याकार्य व्यवस्थितौ ।
ज्ञात्वा शास्त्र विधानोक्तं कर्म कर्तुमिह अर्हसि ॥२४॥
ஓம் தத்ஸத் இதி ஸ்ரீமத்³ ப⁴க³வத்³கீ³தாஸூ
உபநிஷத்ஸு ப்³ரஹ்ம-வித்³யாயாம் யோக³ ஶாஸ்த்ரே
ஸ்ரீ கிருஷ்ணார்ஜுன ஸம்வாதே³
தை³வாஸுர ஸம்பத் விபாக³ யோகோ³ நாம
ஷோட³ஶோ-த்⁴யாய: ||
ॐ तत्सत् इति श्रीमद् भगवद्गीतासू
उपनिषत्सु ब्रह्म-विद्यायां योग शास्त्रे
श्री कृष्णार्जुन सम्वादे
दैवासुर सम्पत् विभाग योगो नाम
षोडशोध्याय: ||