Bhagavad Gita - Chapter 14
Bhagavad Gita
Chapter - 14
அத² சதுர்த³ஶோத்⁴யாய:
अथ चतुर्दशोध्याय:
கு³ணத்ரய விபா⁴க³ யோக³:
गुणत्रय विभाग योगः
ஸ்ரீ ப⁴க³வானுவாச
பரம் பூ⁴ய: ப்ரவக்ஷ்யாமி ஞானானாம் ஞானமுத்தமம் |
யத்-க்ஞாத்வா முனய: ஸர்வே பராம் ஸித்³தி⁴மிதோ க³தா: ||1||
श्री भगवानुवाच
परं भूयः प्रवक्ष्यामि ज्ञानानां ज्ञानमुत्तमम् ।
यत्-ज्ञात्वा मुनयः सर्वे परां सिद्धिमितो गताः ॥१॥
இத³ம் ஞானம் உபாஶ்ரித்ய மம ஸாத⁴ர்ம்யம் ஆக³தா: |
ஸர்கே³பி நோபஜாயந்தே ப்ரலயே ந வ்யத²ந்தி ச ||2||
इदं ज्ञानं उपाश्रित्य मम साधर्म्यम् आगताः ।
सर्गेपि नोपजायन्ते प्रलये न व्यथन्ति च ॥२॥
மம யோனி: மஹத்-ப்³ரஹ்ம தஸ்மின் க³ர்ப⁴ம் த³தா⁴ம்யஹம் |
ஸம்ப⁴வ: ஸர்வ பூ⁴தானாம் ததோ ப⁴வதி பா⁴ரத ||3||
मम योनि: महत्-ब्रह्म तस्मिन् गर्भम् दधाम्यहम् ।
संभवः सर्व भूतानां ततो भवति भारत ॥३॥
ஸர்வ யோனிஷு கௌந்தேய மூர்தய: ஸம்ப⁴வந்தி யா: |
தாஸாம் ப்³ரஹ்ம மஹத்-யோனி: அஹம் பீ³ஜப்ரத³: பிதா ||4||
सर्व योनिषु कौन्तेय मूर्तयः संभवन्ति याः ।
तासां ब्रह्म महत्-योनि: अहं बीजप्रदः पिता ॥४॥
ஸத்-த்வம் ரஜஸ்தம இதி கு³ணா: ப்ரக்ருதி ஸம்ப⁴வா: |
நிப³த்⁴னந்தி மஹா-பா³ஹோ தே³ஹே தே³ஹினம் அவ்யயம் ||5||
सत्त्वं रजस्तम इति गुणाः प्रकृति संभवाः ।
निबध्नन्ति महा-बाहो देहे देहिनं अव्ययम् ॥५॥
தத்ர ஸத்த்வம் நிர்மலத்வாத் ப்ரகாஶகம் அனாமயம் |
ஸுக² ஸங்கே³ன ப³த்⁴னாதி ஞான ஸங்கே³ன சானக⁴ ||6||
तत्र सत्त्वं निर्मलत्वात् प्रकाशकं अनामयम् ।
सुख सङ्गेन बध्नाति ज्ञान सङ्गेन चानघ ॥६॥
ரஜோ ராகா³த்மகம் வித்³தி⁴ த்ருஷ்ணா ஸங்க³ ஸமுத்³ப⁴வம் |
தன்நிப³த்⁴னாதி கௌந்தேய கர்ம-ஸங்கே³ன தே³ஹினம் ||7||
रजो रागात्मकं विद्धि तृष्णा सङ्ग समुद्भवम् ।
तन्निबध्नाति कौन्तेय कर्म-सङ्गेन देहिनम् ॥७॥
தமஸ்த்வ-ஞானஜம் வித்³தி⁴ மோஹனம் ஸர்வ தே³ஹினாம் |
ப்ரமாதா³லஸ்ய நித்³ராபி⁴: தன்நிப³த்⁴னாதி பா⁴ரத ||8||
तमस्त्व-ज्ञानजं विद्धि मोहनं सर्व देहिनाम् ।
प्रमादालस्य निद्राभि: तन्निबध्नाति भारत ॥८॥
ஸத்-த்வம் ஸுகே² ஸஞ்ஜயதி ரஜ: கர்மணி பா⁴ரத |
ஞானமாவ்ருத்ய து தம: ப்ரமாதே³ ஸஞ்ஜயத்யுத ||9||
सत्त्वं सुखे सञ्जयति रजः कर्मणि भारत ।
ज्ञानमावृत्य तु तमः प्रमादे सञ्जयत्युत ॥९॥
ரஜஸ்தமஶ்ச அபி⁴பூ⁴ய ஸத்-த்வம் ப⁴வதி பா⁴ரத |
ரஜ: ஸத்-த்வம் தமஶ்சைவ தம: ஸத்த்வம் ரஜஸ்ததா² ||10||
रजस्तमश्च अभिभूय सत्त्वं भवति भारत ।
रजः सत्त्वं तमश्चैव तमः सत्त्वं रजस्तथा ॥१०॥
ஸர்வ-த்³வாரேஷு தே³ஹேஸ்மின் ப்ரகாஶ உபஜாயதே |
ஞானம் யதா³ ததா³ வித்³யாத் விவ்ருத்³த⁴ம் ஸத்-த்வம் இத்யுத ||11||
सर्व-द्वारेषु देहेस्मिन् प्रकाश उपजायते ।
ज्ञानं यदा तदा विद्यात् विवृद्धं सत्त्वं इत्युत ॥११॥
லோப⁴: ப்ரவ்ருத்தி: ஆரம்ப⁴: கர்மணாமஶம: ஸ்ப்ருஹா |
ரஜஸ்யேதானி ஜாயந்தே விவ்ருத்³தே⁴ ப⁴ரதர்ஷப⁴ ||12||
लोभः प्रवृत्ति: आरम्भः कर्मणामशमः स्पृहा ।
रजस्येतानि जायन्ते विवृद्धे भरतर्षभ ॥१२॥
அப்ரகாஶோ ப்ரவ்ருத்திஶ்ச ப்ரமாதோ³ மோஹ ஏவ ச |
தமஸ்யேதானி ஜாயந்தே விவ்ருத்³தே⁴ குரு-நந்த³ன||13||
अप्रकाशो प्रवृत्तिश्च प्रमादो मोह एव च ।
तमस्येतानि जायन्ते विवृद्धे कुरु-नन्दन ॥१३॥
யதா³ ஸத்-த்வே ப்ரவ்ருத்³தே⁴ து ப்ரலயம் யாதி தே³ஹப்⁴ருத் |
ததா³ உத்தமவிதா³ம் லோகான் அமலான் ப்ரதிபத்³யதே ||14||
यदा सत्त्वे प्रवृद्धे तु प्रलयं याति देहभृत् ।
तदा उत्तमविदां लोकान् अमलान् प्रतिपद्यते ॥१४॥
ரஜஸி ப்ரலயம் க³த்வா கர்ம ஸங்கி³ஷு ஜாயதே |
ததா² ப்ரலீனஸ்-தமஸி மூட⁴-யோனிஷு ஜாயதே ||15||
रजसि प्रलयं गत्वा कर्म सङ्गिषु जायते ।
तथा प्रलीनस्तमसि मूढ-योनिषु जायते ॥१५॥
கர்மண: ஸுக்ருதஸ்யாஹு: ஸாத்த்விகம் நிர்மலம் ப²லம் |
ரஜஸஸ்து ப²லம் து³:க²ம் அக்ஞானம் தமஸ: ப²லம் ||16||
कर्मणः सुकृतस्याहुः सात्त्विकं निर्मलं फलम् ।
रजसस्तु फलं दुःखं अज्ञानं तमसः फलम् ॥१६॥
ஸத்-த்வாத் ஸஞ்ஜாயதே ஞானம் ரஜஸோ லோப⁴ ஏவ ச |
ப்ரமாத³ மோஹௌ தமஸோ ப⁴வதோ-ஞானமேவ ச ||17||
सत्त्वात् सञ्जायते ज्ञानं रजसो लोभ एव च ।
प्रमाद मोहौ तमसो भवतो-ज्ञानमेव च ॥१७॥
ஊர்த்⁴வம் க³ச்ச²ந்தி ஸத்த்வ-ஸ்தா² மத்⁴யே திஷ்ட²ந்தி ராஜஸா: |
ஜக⁴ன்ய கு³ண வ்ருத்தி-ஸ்தா² அதோ⁴ க³ச்ச²ந்தி தாமஸா: ||18||
ऊर्ध्वं गच्छन्ति सत्त्वस्था मध्ये तिष्ठन्ति राजसाः ।
जघन्य गुण वृत्तिस्था अधो गच्छन्ति तामसाः ॥१८॥
நான்யம் கு³ணேப்⁴ய: கர்தாரம் யதா³ த்³ரஷ்டானு-பஶ்யதி |
கு³ணேப்⁴யஶ்ச பரம் வேத்தி மத்-பா⁴வம் ஸோதி⁴க³ச்ச²தி ||19||
नान्यं गुणेभ्यः कर्तारं यदा द्रष्टानु-पश्यति ।
गुणेभ्यश्च परं वेत्ति मत्-भावं सोधिगच्छति ॥१९॥
கு³ணானேதான-தீத்ய த்ரீன் தே³ஹீ தே³ஹ ஸமுத்³ப⁴வான்|
ஜன்ம ம்ருத்யு ஜரா து³:கை²: விமுக்தோம்ருதம் அஶ்னுதே ||20||
गुणानेतान-तीत्य त्रीन् देही देह समुद्भवान् ।
जन्म मृत्यु जरा दुःखै: विमुक्तोमृतं अश्नुते ॥२०॥
அர்ஜுன உவாச
கைர்லிங்கை³: த்ரீன் கு³ணானேதான் அதீதோ ப⁴வதி ப்ரபோ⁴ |
கிமாசார: கத²ம் சைதான் த்ரீன் கு³ணான் அதிவர்ததே ||21||
अर्जुन उवाच
कैर्लिङ्गै: त्रीन् गुणानेतान् अतीतो भवति प्रभो ।
किमाचारः कथं चैतान् त्रीन् गुणान् अतिवर्तते ॥२१॥
ஸ்ரீ ப⁴க³வானுவாச
ப்ரகாஶம் ச ப்ரவ்ருத்திம் ச மோஹமேவ ச பாண்ட³வ |
ந த்³வேஷ்டி ஸம்-ப்ரவ்ருத்தானி ந நிவ்ருத்தானி காங்க்ஷதி ||22||
श्री भगवानुवाच
प्रकाशं च प्रवृत्तिं च मोहमेव च पाण्डव ।
न द्वेष्टि सं-प्रवृत्तानि न निवृत्तानि काङ्क्षति ॥२२॥
உதா³ஸீன-வதா³ஸீனோ கு³ணைர்யோ ந விசால்யதே |
கு³ணா வர்தந்த இத்யேவம் யோவதிஷ்ட²தி நேங்க³தே ||23||
उदासीन-वदासीनो गुणैर्यो न विचाल्यते ।
गुणा वर्तन्त इत्येवं योवतिष्ठति नेङ्गते ॥२३॥
ஸம து³:க² ஸுக²: ஸ்வஸ்த²: ஸம லோஷ்டாஶ்ம காஞ்சன: |
துல்ய ப்ரியாப்ரியோ தீ⁴ர: துல்ய நிந்தா³த்ம ஸம்ஸ்துதி: ||24||
सम दुःख सुखः स्वस्थः सम लोष्टाश्म काञ्चनः ।
तुल्य प्रियाप्रियो धीर: तुल्य निन्दात्म संस्तुतिः ॥२४॥
மான அபமானயோ: துல்ய: துல்யோ மித்ராரி பக்ஷயோ: |
ஸர்வாரம்ப⁴ பரித்யாகீ³ கு³ணாதீத: ஸ உச்யதே ||25||
मान अपमानयो: तुल्य: तुल्यो मित्रारि पक्षयोः ।
सर्वारम्भ परित्यागी गुणातीतः स उच्यते ॥२५॥
மாம் ச யோவ்யபி⁴-சாரேண ப⁴க்தி யோகே³ன ஸேவதே |
ஸ கு³ணான் ஸமதீத்யைதான் ப்³ரஹ்ம பூ⁴யாய கல்பதே ||26||
मां च योव्यभिचारेण भक्ति योगेन सेवते ।
स गुणान् समतीत्यैतान् ब्रह्म भूयाय कल्पते ॥२६॥
ப்³ரஹ்மணோ ஹி ப்ரதிஷ்டா²ஹம் அம்ருதஸ்ய அவ்யயஸ்ய ச |
ஶாஶ்வதஸ்ய ச த⁴ர்மஸ்ய ஸுக²ஸ்யை-காந்திகஸ்ய ச ||27||
ब्रह्मणो हि प्रतिष्ठाहं अमृतस्य अव्ययस्य च ।
शाश्वतस्य च धर्मस्य सुखस्यै-कान्तिकस्य च ॥२७॥
ஓம் தத்ஸத் இதி ஸ்ரீமத்³ ப⁴க³வத்³கீ³தாஸு
உபநிஷத்ஸு ப்³ரஹ்ம-வித்³யாயாம் யோக³ ஶாஸ்த்ரே
ஸ்ரீ கிருஷ்ணார்ஜுன ஸம்வாதே³
கு³ணத்ரய விபா⁴க³ யோகோ³ நாம
சதுர்-த³ஶோ-த்⁴யாய: ||
ॐ तत्सत् इति श्रीमद् भगवद्गीतासु
उपनिषत्सु ब्रह्म-विद्यायां योग शास्त्रे
श्री कृष्णार्जुन सम्वादे
गुणत्रय विभाग योगो नाम
चतुर्दशोध्याय: ||